ខេត្តស្វាយរៀង: អាជ្ញាធរខេត្តស្វាយរៀងកាលពីវេលាម៉ោង១ យប់ឈានចូលថ្ងៃទី២៨ ខែកុម្ភៈ កន្លងទៅនេះ បានស្ទាក់ចាប់បានរថយន្តដឹកជ្រូកចំនួន១១៥ក្បាលដែលនាំចូលពីប្រទេសវៀតណាមខុសច្បាប់ នៅត្រង់ចំណុចផ្លូវជាតិលេខ១៣ ភូមិតាត្រាវ ឃុំកំពង់ត្រាច ស្រុករមាសហែក ខេត្តស្វាយរៀង។
រថយន្តដែលដឹកជ្រូកនាំចូលពីវៀតណាមនោះ គឺមានម៉ាក Sangyong Istana ពណ៌ស ជាប្រភេទរថយន្តដឹកអ្នកដំណើរ១៥កៅអី ពាក់ស្លាកលេខព្រៃវែង២A-០៣១៨។ រថយន្តនោះគឺបានដឹកជ្រូកចូលតាមច្រក របៀងមួយ បម្រុងនឹងយកទៅចែកចាយនៅខេត្តស្វាយរៀង។
រថយន្តដឹកជ្រូកនាំចូលនោះ គឺគ្មានលិខិតអនុញ្ញាតអ្វីទាំងអស់។ ក្រោយពីស្ទាក់បានរថយន្ត អាជ្ញាធរនឹងបញ្ជូនម្ចាស់រថយន្ត និងវត្ថុតាងទៅរក្សាទុកនៅមន្ទីរកសិកម្ម រុក្ខាប្រមាញ់ និងនេសាទខេត្តស្វាយរៀងដើម្បីចាត់ការតាមច្បាប់៕
