ភ្នំពេញ៖ ដោយមានការយកចិត្តទុកដាក់បញ្ជាផ្ទាល់ពីលោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់ឲ្យលោក នី សាមិត្ត ប្រធានការិយាល័យសាធារណៈ និងសណ្តាប់ធ្នាប់ខណ្ឌដូនពេញ ដឹកនាំកម្លាំងចម្រុះចុះបង្ក្រាបល្បែងស៊ីសង សុខច្បាប់តាមប្រព័ន្ធអ៉ីនធើណេតចំនួន០២ទីតាំង និងឃាត់ខ្លួនមនុស្សចំនួន១៧នាក់។
ទីតាំងទីតាំងទី១ ផ្ទះលេខ ៦៣ ផ្លូវលេខ ៥៣ និងទីតាំងទី២ ផ្ទះលេខ ៦៩ ផ្លូវលេខ៥៣ ទីតាំង២កន្លែងនេះ គឺជាទីតាំងល្បែងស៊ីសងខុសច្បាប់ដ៏ធំ និងមិនដែលខ្លាចញញើតនិងអាជ្ញាធរ ហើយថែមទាំងបំពាន ច្បាប់រដ្ឋបាល។
សម្ភារ:ដកហូតរួមមាន៖ កុំព្យូទ័រ ទូរទស្សន៍ និង សម្ភារ:មួយចំនួនទៀតដែលបម្រើឲ្យការប្រព្រឹត្តលេងល្បែងស៊ីសង និងបានយកទៅរក្សាទុកនៅរដ្ឋបាលខណ្ឌដូនពេញ។
ចំពោះមនុស្សចំនួន ១៧នាក់ ត្រូវបានបញ្ជូនទៅប៉ុស្តិ៍នគរបាល ផ្សារថ្មីទី១ ដើម្បីអនុវត្តតាមផ្លូវច្បាប់៕
