ខេត្ដកំពង់ចាម ៖ ល្បែងស៊ីសង ជល់មាន់ បើកលេងយ៉ាងគគ្រឹកគគ្រេង បានដោយរលូន មិនទាន់ឃើញមានសមត្ថកិច្ច ចុះធ្វើការបង្ក្រាបនោះឡើយ ដែលមានទីតាំងស្ថិតនៅភូមិដំណាក់កញ្ចាស់ ឃុំសំបួរ ស្រុកស្ទឹងត្រង់ ខេត្តកំពង់ចាម
ប្រភពពីប្រជាពលរដ្ឋក្នុងមូលដ្ឋានបានអោយដឹងថា ល្បែងស៊ីសង ជល់មាន់ នេះបើក លេងយ៉ាងគគ្រឹកគគ្រេង បានដោយរលូន គេមិនដែលឃើញមាន សមត្ថកិច្ចជំនាញ ទៅធ្វើការបង្ក្រាបនោះឡេីយ។
ប្រភពប្រជាពលរដ្ឋដែលរស់ នៅជិតទីតាំងនោះបានឲ្យដឹងថាល្បែងស៊ីសងជល់មាន់ មួយកន្លែងនេះគឺលេងឡើងដុះស្លែទៅហើយបើកលេង ជារៀងរាល់ថ្ងៃគឺ មានក្រុមអ្នកញៀនល្បែងជាច្រើននាក់ បានទៅលេងល្បែងនៅទីនោះ យ៉ាងច្រើនកុះករ។
ពលរដ្ឋដាក់សង្ស័យថាទំនងជាម្ចាស់ទីតាំងសែនព្រេនត្រូវរ៉ូវគ្នាហើយមើលទៅបានជាបណ្ដែតបណ្ដោយឲ្យក្រុមអ្នកញៀនល្បែងបើកលេងតាមអំពើចិត្ដបែបនេះឬមួយខ្លាចបែកឆ្នាំងបាយទេដឹងបានអាជ្ញាធរមានសមត្ថកិច្ចក្នុងមូលដ្ឋានមិនធ្វើការបង្ក្រាប។
សូមរំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ក្រោមឱវ៉ាទ ទូទាំងប្រទេសត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាឲ្យបាននូវ សុខសុវត្ថិភាពជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៧ចំណុច របស់រដ្ឋាភិបាល ដែលដាច់ចេញដោយក្រសួងមហាផ្ទៃ ។
តែផ្ទុយទៅវិញទីតាំងល្បែងស៊ីសងជល់មាន់ នៅភូមិដំណាក់កញ្ចាស់ ឃុំសំបួរ ស្រុកស្ទឹងត្រង់ ខេត្តកំពង់ចាម នៅបើកលេងជារៀងរាល់ថ្ងៃទៅវិញ។
ម្យ៉ាងវិញទៀតកាលពីពេលថ្មីៗនេះក្រសួងសុខាភិបាលបានចេញសេចក្តីប្រកាសព័ត៌មានមួយជូនប្រជាពលរដ្ឋទូទាំងប្រទេសថាសូមមានការប្រុងប្រយ័ត្នចំពោះជំងឺកូវីត-១៩ទើបនឹងបំឡែងខ្លួនថ្មីឈ្មោះថា(អូមេក្រុង) ដោយឡែកទីតាំងល្បែងស៊ីសងជល់មាន់មួយនេះហាក់មិនញញើតនឹងមិនគោរពតាមសរាចរណែនាំរបស់រាជរដ្ឋាភិបាលនឹងក្រសួងសុខាភិបាលនោះឡេីយ។
ជុំវិញករណីនេះដែរអង្គភាពសារព័ត៌មានយើងព្យាយាមសុំការបំភ្លឺពី លោក ឯម វឌ្ឍនា អធិការស្រុកស្ទឹងត្រង់ តែទូរសព្ទមិនអាចទំនាក់ទំនង់បាន។
ពលរដ្ឋ សំណូមពរដល់អាជ្ញាធរមានសមត្ថកិច្ច ជាពិសេស លោកស្នងការនគរបាលខេត្តកំពង់ចាម មេត្តាចុះត្រួតពិនិត្យនឹងបង្ក្រាបល្បែងស៊ីសងខាងលើនេះផងទាន ដើម្បីរក្សាបាននូវសន្តិសុខសុវត្ថិភាពនឹងឲ្យស្របតាមគោនយោនបាយ ភូមិ ឃុំមានសុវត្ថិភាពទាំង៧ ចំណុចរបស់ក្រសួងមហាផ្ទៃ ។
ជុំវិញករណីខាងលើនេះអង្គភាពសារព័ត៌មានយើងនឹងធ្វើការផ្សាយជាបន្ដបន្ទាប់ប្រសិនមានការពន្យល់បកស្រាយបំភ្លឺពីសមុីភាគីឬអាជ្ញាធរពាក់ពន្ធ័ណាមួយ៕
