ក្រុងប៉ោយប៉ែត៖នៅព្រឹកថ្ងៃ អង្គារ ១៤កើត ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៥ ខែកុម្ភៈ ឆ្នាំ២០២២ ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យនិងអនុវត្តបទបញ្ជាផ្ទាល់ពីលោកវរសេនីយ៍ឯក សៅ សារឿនអធិការ នគរបាល ក្រុងប៉ោយប៉ែត។(ដឹកនាំកម្លាំងនគរបាលចរាចរណ៍ដោយ)
លោកវរសេនីយ៍ទោ ឈឿន ប៊ុនថា អធិការរង ផែនការងារនគរបាលចរាចរណ៍ នៃអធិការរដ្ឋាន នគរបាលក្រុងប៉ោយប៉ែតនឹងលោកវរសេនីយ៍ត្រី បោន ភក្ត្រា នាយផ្នែកចរាចរណ៍និងនាលោកនាយរងផ្នែក ដឹកនាំកម្លាំងចុះធ្វើការរៀបចំសណ្ដាប់ធ្នាប់តាមដងផ្លូវសំខាន់ៗនៅក្នុងក្រុងប៉ោយប៉ែត ជាពិសេសនៅចំណុចផ្លូវដើមពុទ្រា ស្ថិតនៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ពេលនេះកម្លាំងនគរបាលចរាចរណ៍ ចាត់វិធានការក្ដៅហើយចុះរៀបចំសណ្ដាប់ធ្នាប់នៅចំណុចផ្លូវដើមពុទ្រាបានណែនាំដល់បងប្អូនប្រជាពលរដ្ឋដែលលក់ដូរសង្ខាងផ្លូវដើមពុទ្រាហាមមិនអោយដាក់លក់នៅលើដងផ្លូវសាធារណៈទេចាប់ពីថ្ងៃនេះតទៅ។
សូមបញ្ជាក់ថា៖កម្លាំងនគរបាលចរាចរណ៍បានចុះណែនាំជាច្រើនខែកន្លងមកហើយនៅតែមិនស្ដាប់របស់របរដែលលក់ដូរដាក់នៅលើដងផ្លូវសាធារណៈគឺប្រមូលរបស់របរទៅកាន់អធិការដ្ឋាននគរបាលក្រុងប៉ោយប៉ែតចាត់វិធានការតាមផ្លូវច្បាប់។
ឆ្លៀតក្នុងឱកាសនោះដែរ៖លោកវរសេនីយ៍ទោ ឈឿន ប៊ុនថា អធិការរង ផែនការងារនគរបាលចរាចរណ៍ នៃអធិការរដ្ឋាន នគរបាលក្រុងប៉ោយប៉ែតក៏បានអំពាវនាវដល់បងប្អូនប្រជាពលរដ្ឋដែលលក់ដូរនៅចំណុចផ្លូវដើមពុទ្រាចាប់ពីថ្ងៃនេះតទៅត្រូវលក់ដូរឲ្យមានរបៀបរៀបរយហាមដាក់លក់នៅលើដងផ្លូវសាធារណៈកុំឱ្យមានការកកស្ទះចរាចរណ៍នៅលើដងផ្លូវសាធារណៈចំណុចផ្លូវដើមពុទ្រាទៀតពីព្រោះខ្លាចមានគ្រោះថ្នាក់ចរាចរណ៍ជាយថាហេតុផងដែរ។
