ខេត្តកំពត ÷ ទីតាំងសង្វៀនល្បែងស៊ីសងជល់មាន់និងអាប៉ោងហើយយូគី ខុសច្បាប់ ចំនួនពីទីតាំងផ្សេងគ្នាក្នុង ស្រុកបន្ទាយមាស បើកលេងយ៉ាងអនាធិបតេយ្យ ក្នុងមូលដ្ឋាន ភូមិឃុំ ស្រុកបន្ទាយមាស ខេត្តកំពត មហាជនដាក់ការសង្ស័យថា បានជាសមត្ថកិច្ចមិនបង្ក្រាប!ប្រហែលទុកលំអងស្រុក កំឲ្យស្ងាត់ហើយមើលទៅ ។
ប្រភពពីពលរដ្ឋក្នុងភូមិសាស្ត្រខាងលើបានឲ្យដឹងថា ទីតាំងសង្វៀនល្បែងស៊ីសងជល់មាន់និងអាប៉ោងហើយយូគី ខុសច្បាប់ ចំនួនពីទីតាំងខាងលើ រួមមានទីតាំងទី.១ បើកលេងនៅខាងក្រោយផ្ទះតាខ្លុយជិតមាត់ស្ទឹងភូមិស្រែព្រៃ ក្នុង ឃុំទូកមាសខាងលិច ចំណែកទីតាំងទី.២ នៅទល់មុខប៉ុស្តិ៍ វីរៈការពារនគរបាលព្រំដែនគោក លេខ ១.០១ ស្ថិតនៅភូមិត្នោតចុងស្រល់ ឃុំត្នោតចុងស្រល់ ស្រុកបន្ទាយមាស ខេត្តកំពត សូមបញ្ជាក់ប្រាប់ឲ្យដឹងថា ទីតាំងទាំងពីខាងលើនេះ ស្ថិតនៅ ស្រុកបន្ទាយមាស ខេត្តកំពត តែម្តង ។
ប្រភពដដែលពីពលរដ្ឋក៏ដូចមហាជនបានឲ្យដឹងថា បន្ទាប់ឲ្យកើតមានវង់ល្បែងស៊ីសងទាំងពីទីតាំងក្នុងមូលដ្ឋានខាងលើនេះមក ពួកគាត់មានការព្រួយបារម្ភជាខ្លាំង ព្រោះថាថ្វីត្បិតជំងឺ កូវី-១៩ បានកាត់បន្ថយខ្លះៗពិតមែនក៏ដោយ ប៉ុន្តែជំងឺ កូវីដ-១៩ បម្លែងថ្មី ប្រភេទ អូមីក្រុង ក៏នៅជាបញ្ហាដដែល ព្រោះថាក្រុមលេងល្បែងជល់និងអាប៉ោងហើយយូគី ខុសច្បាប់ នៅខាងលើ កំពុងប្រមូលផ្ដុំការជួបជុំ! លេងល្បែងយ៉ាងគគ្រឹកគគ្រេង សកម្មភាពក្រុមញៀនល្បែងបែបនេះដាក់ឲ្យដំណើរការលេងយ៉ាងអនាធិបតេយ្យ ចំណែកអាជ្ញាធរមានសមត្ថកិច្ច ថ្នាក់ឃុំ រហូតដល់ថ្នាក់ស្រុក បែរជាមិនទប់ស្កាត់និងបង្ក្រាប!តាមបទបញ្ជា របស់អគ្គស្នងការនគរបាលជាតិ និងក្រសួងមហាផ្ទៃ នោះឡើយ ។ ដោយឡែកអ្នកលេងបាននាំគ្នាស្រែកឮសម្លេងយ៉ាងត្រហឹងអឹងកង ប្រមូលផ្ដុំគ្នាយ៉ាងពពាក់ពពូនលេងល្បែងភ្នាល់មាន់និងអាប៉ោងហើយយូគី ខុសច្បាប់ បានដោយរលូន។
មហាជននៅតែងើយឆ្ងល់ថា បើមិនខ្លាចសមត្ថកិច្ចបង្ក្រាប!គួរតែញញើតនិងការឆ្លងរីករាលដាលជំងឺ កូវីដ-១៩ បម្លែងថ្មី ប្រភេទ អូមីក្រុង ផងចុះ កន្លងមកនេះក្រសួងសុខាភិបាល និងប្រមុខរាជរដ្ឋាភិបាល កម្ពុជា បានអំពាវនាវឲ្យពលរដ្ឋខ្មែរ ទូទាំងប្រទេស ឲ្យអនុវត្ត បីកុំ បីការពារ និងចូលរួមដើម្បីលុបបំបាត់ជំងឺ កូវីដ-១៩ ជាពិសេស បម្លែងថ្មី ប្រភេទ អូមីក្រុង ដែលកំពុងតែមានវត្តមាន ក្នុងប្រទេសកម្ពុជាយើង ពាក់ព័ន្ធទៅនិងសង្វៀនល្បែងស៊ីសងជល់មាន់និងអាប៉ោងហើយយូគី ខុសច្បាប់ បើកលេងទាំងពីកន្លែងនេះ តើលោកអ្នកបានដឹងថា លោកនាក់ ឌឹម អធិការនគរបាលស្រុកបន្ទាយមាស បានប្រាប់អង្គភាពអ្នកសារព័ត៍មានយើងនៅរសៀលថ្ងៃទី១១ ខែកុម្ភៈឆ្នាំ ២០២២-នេះថាទីតាំងសង្វៀនល្បែងស៊ីសងជល់មាន់និងអាប៉ោងហើយយូគី ខុសច្បាប់ ទាំងពីទីតាំងខាងលើនេះ មិនមានច្បាប់អនុញ្ញាតទេ ហើយលោកក៏បានទទួលព័ត៌មានពីពលរដ្ឋក៍ដូចបងប្អូនអ្នកសារព័ត៌មាន ហើយលោកថានិងរៀបចំសុំគោលការចុះបង្ក្រាប!ក៏ប៉ុន្តែកម្លាំងលោកចុះបង្ក្រាប!ថ្ងៃណាពេលណានោះលោកមិនបានបញ្ជាក់នោះទេ!
ចំពោះករណីល្បែងស៊ីសងខុសច្បាប់កើតឡើងយ៉ាងផុសផុលក្នុងមូលដ្ឋានបែបនេះ មហាជនក៏ដូចពលរដ្ឋក្នុងមូលដ្ឋានខាងលើ តាមរយៈអ្នកសារព័ត៌មាន ពួកគាត់បានសុំណូមពរមកដល់ ឯកឧត្តម ម៉ៅ ធនិន អភិបាលខេត្តកំពត មេត្តាពិនិត្យតាមភាពជាក់ស្ដែង ជាពិសេស លោកឧត្តមសេនីយ៍ទោ ម៉ៅ ច័ន្ទមធុរិទ្ឋ ស្នងការនគរបាលខេត្តកំពត សូមលោកជួយទប់ស្កាត់និងបង្ក្រាប!ទីតាំងល្បែងទាំងពីកន្លែងនៅខាងលើនេះផងទាន ព្រោះថា កូនឬក៏ប្តីពួកគាត់បាននាំគ្នាឆ្កួតឬឈ្លក់វង្វេងនិងល្បែងជល់មាន់និងអាប៉ោងហើយយូគី ខុសច្បាប់ ស្ថិតនៅភូមិ ឃុំ ខាងលើនេះ ហើយនាំគ្នាទម្លាក់ចោលការងារមុខរបររកស៊ីចិញ្ចឹមគ្រួសារខ្លះៗបណ្ដើរៗហើយ ម្យ៉ាងវិញទៀតពួកគាត់ខ្លាចបំផុតនោះគឺការឆ្លងជំងឺ កូវីដ-១៩ បម្លែងថ្មី ប្រភេទ អូមីក្រុង ជាខ្លាំង៕
