ខេត្តកំពត ÷ ក្រុមប្រជាពលរដ្ឋបានលើកឡើងថា មេបនល្បែងស៊ីសងខុសច្បាប់ ឈ្មោះ សុខ គីមម៉េង ហៅសុខ គីមចា កំពុងយកអំណាច”អាជ្ញាប័ន កាស៊ីណូ”របស់ខ្លួន បើឲ្យប្រជាពលរដ្ឋខ្មែរចូលទៅលេងយ៉ាងគគ្រឹក គគ្រេង ដោយខុសច្បាប់ ការអនុញ្ញាតពីក្រសួងដែលចេញអាជ្ញាប័នឲ្យបើកកាស៊ីណូ ដោយក្រសួងហាមឃាត់មិនឲ្យប្រជនខ្មែរ ចូលទៅលេងល្បែងស៊ីសងនៅកាស៊ីណូនោះឡើយ។
ជាក់ស្តែង ក្នុងមួយសប្តាហ៍នេះត្រូវគេបានសង្កេត់ឃើញថា វង់ល្បែងកាស៊ីណូចំណុចតន់ហន់ភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពតមួយនេះ បាននិងកំពុងបើកល្បែងឲ្យប្រជាពលរដ្ឋខ្មែរ ចូលលេងចាក់ភ្នាល់លុយ រាប់ម៉ឺនដុល្លារ ដោយគ្មានការទប់ស្កាត់ពីអាជ្ញាធរ និងសមត្ថកិច្ច ពីថ្នាក់ស្រុកនិងសមត្ថកិច្ចខេត្តកំពតនោះទេ។
ករណីកាស៊ីណូបើកល្បែងស៊ីសងឲ្យប្រជាពលរដ្ឋខ្មៅចូលលេងល្បែងស៊ីសងយ៉ាងអនាធិតេយ្យខាងលើនេះ លោក ម៉ៅ ច័ន្ទមធរិទ្ធ ស្នងការខេត្តកំពត នៅរសៀលថ្ងៃទី៣ ខែកុម្ភៈ ម្សិលមិញនេះលោកបានឆ្លើយឲ្យដឹងថា ពេលនេះលោកកំពុងជាប់រវល់ប្រជុំ។ បើទោះជាដូចច្នេះក៏ដោយ នៅថ្ងៃដ៏ដែលនេះលោក អូន ថន អភិបាលនៃគណៈអភិបាលស្រុកកំពង់ត្រាច លោកថា លោកខិតខំចុះអប់រំប្រជាពលរដ្ឋក្នុងភូមិ-ឃុំ និងស្រុករបស់លោកមិនឲ្យមានការជួបជុំ រឺប្តុំគ្នាឡើយ ព្រោះខ្លាចជួបបញ្ហាការផ្ទុះរាលដាលជំងឺកូវីដ និងជំងឺបំលែងខ្លួនថ្មី មួយទៀត គឺជំងឺ,អមីក្រុង ជាដើម។
លោកថា អ្នកមានអំណាចក្នុងខេត្តកំពតមួយចំនួនមិនត្រឹមតែមិនបានជួយទប់ស្កាត់ពីជំងឺទាំងនេះទេ ថែមទាំងជួយសម្រួលឲ្យមានការបើក កាស៊ីណូ សុខ គីមម៉េង ហៅ សុខ គីមចាយ ជាម្ចាស់បនល្បែងមួយនេះទៀត។ ហើយលោកបានបញ្ចាក់ទៀតថា ពាក់ព័ន្ធការបើក កាស៊ីណូ ខាងលើនេះលោកមិនបានដឹងទេ ព្រោះម្ចាស់កាស៊ីឈ្មោះ សុខ គីមចាយ គេបានរត់ច្បាប់ កាស៊ីណូពីក្រសួងមក ហើយពួកគេបើកឲ្យពលរដ្ឋខ្មែរ ចូលលេងតែងម្តង។
សូមជម្រាបថា កាលពីរសៀល ថ្ងៃទី៣ កុម្ភៈ ២០២២ម្សិលមិញនេះ ផ្ទុះរឿងអ្នកសារព័ត៌មាន ចែកលុយឲ្យអ្នកកាសែត ក្នុងស្រុក រឺមកពីក្រៅស្រុក “២ម៉ឺនៗ”បិទបាំងកុំឲ្យមានការផ្សព្វផ្សាយ ព័ត៌មាន រឿងកាស៊ីណូមានច្បាប់ តែបើកឲ្យពលរដ្ឋខ្មែរ ចូលលេងល្បែងដោយខុសច្បាប់ នៅទីតាំងកាស៊ីណូ សុខ គីមម៉េង ហៅលោក សុខ គីមចាយ ។ អ្នកសារព័ត៌មាន ដែលឈរចែកលុយឲ្យអ្នកកាសែតខាងលើនេះត្រូវគេស្គាល់ឈ្មោះ កែម ចន ជាអ្នកសារព័ត៌មានអង្គភាព.TNM អនឡាញ។
យ៉ាងណាក៏ដោយ ករណីបនល្បែងរបស់ឈ្មោះ សុខ គីមម៉េង (ហៅ សុខ គីមចាយ)នៅចំណុចភូមិ-ឃុំ ព្រែកក្រឹស ក្រុមប្រជាពលរដ្ឋស្រុកកំពង់ត្រាច សំណូមដល់ឯកឧត្តម ម៉ៅ ច័ន្ទមធុរិទ្ធ ស្នងការរដ្ឋាននគរបាលខេត្ត និងឯកឧត្តម ម៉ៅ ធនិន អភិបាលនៃគណៈអភិលខេត្តកំពត មេត្តាជួយចុះត្រួតពិនិត្យនិងជួយទប់ស្កាត់ បនល្បែងរបស់ឈ្មោះ សុខ គីមម៉េង ខាងលើនេះផង ព្រោះកាស៊ីណូមួយនេះបានបើកល្បែងឲ្យប្រជាពលរដ្ឋខ្មែរ ឲ្យចូលលេងល្បែងនៅបនល្បែងមួយនេះយ៉ាងគំហុក ។
