បន្ទាយមានជ័យ÷ លោកឧត្តមសេនីយ៍ត្រី តឹក ប៊ុនធឿន មេបញ្ជាការរង ទិសទី១ បន្ទាយមានជ័យ បាននាំយកអំណោយក្រុមហ៊ុន ប៉ាង ណាគ្រី រៀលអេស្ទេត អង្ករ ចំនួន ២តោន មី ចំនួន ២០០កេស ត្រីខ ចំនួន ២០០យួរ ទឹកត្រី ចំនួន ២០០យួរ ទឹកស៊ីអ៊ីវ ចំនួន ២០០យួរ មកចែកជូនដល់ប្រជាពលរដ្ឋ ក្រីក្រ កងទ័ព និងគ្រួសារកងទ័ព ចំនួន ២០០គ្រួសារ នៅស្រុកម៉ាឡៃ។
ពិធីនេះបានរៀបចំឡើងនៅក្នុងទីបញ្ជាការ វរសេនាតូចថ្មើរជើងលេខ៥១១ ស្ថិតនៅក្នុងស្រុកម៉ាឡៃខេត្តបន្ទាយមានជ័យ។
ក្រោមអធិបតីភាពលោកឧត្តមសេនីយ៍ត្រី តឹក ប៊ុនធឿន មេបញ្ជាការរងទិសទី១បន្ទាយមានជ័យ ដោយមានការអញ្ជើញចូលរួមពីលោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ លោកវរសេនីយ៍ត្រី លឹម វណ្ណារិទ្ធិ មេបញ្ជាការវរសេនាតូចថ្មើរជើងលេខ៥១១ លោកវរសេនីយ៍ទោ តាំង សុខហៃ និងភរិយា។
ក្នុងឱកាសនោះដែរ លោកឧត្តមសេនីយ៍ត្រី តឹក ប៊ុនធឿន ឆ្លៀតឱកាសនៃទិវាជ័យជម្នះ ៧ មករា ២០២២នេះ បានពាំនាំអំណោយរបស់ក្រុមហ៊ុនប៉ាងណាគ្រី រៀលអេស្ទេត មកចែកជូនរួមមាន៖
ប្រជាពលរដ្ឋជួបកសរលំបាក ចំនួន ៥០គ្រួសារ មកពីឃុំនៃស្រុកម៉ាឡៃ
យោធិនជួបការលំបាក វរសេនាតូចថ្មើរជើងលេខ៥១១ ចំនួន ៣០នាក់
យោធិនជួបការលំបាក វរសេនាតូចថ្មើរជើងលេខ៥១៣ ចំនួន ៣៥នាក់ និងគ្រួសារយោធិន ចំនួន ៣៥គ្រួសារ យោធិនជួបការលំបាក វរសេនាតូចថ្មើរជើងលេខ៥១៤ ចំនួន ២៥នាក់ និងគ្រួសារយោធិន ចំនួន ២៥គ្រួសារ ដោយមួយគ្រួសារៗ ទទួលបានអង្ករ មី ត្រីខ ទឹកត្រី ទឹកស៊ីអ៊ីវ និងទឹកបរិសុទ្ធផងដែរ។
ក្នុងឱកាសថ្ងៃជ័យជម្នះ ៧មករា ២០២២ នេះផងដែរ លោកឧត្តមសេនីយ៍ ក៏បានរម្លឹកអំពីការខិតខំប្រឹងប្រែងរបស់ សម្ដេចអគ្គមហាសេនាបតីតេជោ ហ៊ុន សែន ក្នុងការបញ្ចប់សង្គ្រាមរកសន្តិភាពជូនប្រជាពលរដ្ឋនិងធ្វើការអភិវឌ្ឍតំបន់សង្គ្រាមនៅក្នុងទឹកដីម៉ាឡៃនេះឲ្យទៅជាតំបន់សេដ្ឋកិច្ច។ ហើយបច្ចុប្បន្ននេះ មានការអភិវឌ្ឍលើគ្រប់វិស័យជាពិសេសមានវិនិយោគទុនជាច្រើនបានបណ្ដាក់ទុនដូចជា ឧកញ៉ា ឡេង ណាវ៉ាត់ត្រា ក្រុមហ៊ុន ប៉ាង ណាគ្រី ដែលកំពុងតែធ្វើការអភិវឌ្ឍតំបន់នេះឲ្យទៅជាកន្លែងកំសាន្តមានកាស៊ីណូ រោងចក្រ ដើម្បីរកការងារធ្វើឲ្យប្រជាពលរដ្ឋនៅតំបន់នេះមានការងារធ្វើ ចៀសវាងការចំណាកស្រុកទៅប្រទេសថៃ ដោយប្រថុយប្រថាននឹងគ្រោះថ្នាក់ លោកបញ្ជាក់ឲ្យដឹងទៀតថា បច្ចុប្បន្ននេះក្រុមហ៊ុន បាង ណាគ្រី កំពុងត្រូវការកម្លាំងពលកម្មយ៉ាងខ្លាំង និងសំណូមពរឲ្យប្រជាពលរដ្ឋកុំឲ្យធ្វើការចំណាកស្រុក ព្រោះការធ្វើការងារនៅក្នុងស្រុកក៏មានតម្លៃមិនខុសគ្នានោះទេ ណាមួយអាចនៅជួបជុំគ្រួសារទៀតផង៕
