(ភ្នំពេញ)៖ នៅថ្ងៃព្រហស្បតិ៍ ១១រោច ខែមិគសិរ ឆ្នាំឆ្លូវ ត្រីស័ក ព.ស ២៥៦៥ត្រូវនឹងថ្ងៃទី៣០ ខែធ្នូ ឆ្នាំ២០២១ វេលាម៉ោង ៨:០០នាទីព្រឹក នៅរដ្ឋបាលខណ្ឌដូនពេញមានកិច្ចប្រជុំសាមញ្ញលើកទី៣១ របស់ក្រុមប្រឹក្សាខណ្ឌដូនពេញ អាណត្តិទី ៣ ក្រោមអធិបតីភាព លោក ហែម អាន ប្រធានក្រុមប្រឹក្សាខណ្ឌ និងលោក សុខ ពេញវុធ អភិបាល នៃគណៈអភិបាលខណ្ឌដូនពេញ ក្នុងរបៀបវារៈដូចខាងក្រោម៖
១-ពិនិត្យ និងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី៣០ របស់ក្រុមប្រឹក្សាខណ្ឌដូនពេញ អាណត្តិទី៣។
២-ពិនិត្យ និងអនុម័តសេចក្តីព្រាងរបាយការណ៍ ស្តីពីការអនុវត្តការងារប្រចាំខែធ្នូ និងប្រចាំឆ្នាំ ២០២១ របស់រដ្ឋបាលខណ្ឌដូនពេញ។
៣-ពីនិត្យ និងអនុម័តសេចក្តីព្រាងតារាងបែងចែកប្រាក់រង្វាន់លើកទឹកចិត្តប្រចាំខែធ្នូ ឆ្នាំ២០២១ ដែលបានមកពីការផ្តល់សេវារដ្ឋបាលសម្រាប់ឧបត្ថម្ភជូនមន្ត្រីបុគ្គលិកនៃរដ្ឋ
បាលខណ្ឌដូនពេញ។
៤-ពិនិត្យតារាងសរុប ស្តីពីរបាយការណ៍អនុវត្តលទ្ធកម្មសាធារណៈឆ្នាំ២០២១ របស់រដ្ឋបាលខណ្ឌដូនពេញ។
៥-ពិនិត្យសេចក្តីព្រាងផែនការសកម្មភាព និងផែនការថវិកាឆ្នាំ២០២២ របស់គណៈកម្មាធិការពិគ្រោះយោបល់កិច្ចការស្ត្រី និងកុមារខណ្ឌដូនពេញ។
៦-ការពិនិត្យ និងអនុម័តគម្រោងថវិកា ប្រចាំឆ្នាំ២០២២ របស់ការិយាល័យប្រជាពលរដ្ឋ ។
៧-សេចក្តីរាយការណ៍ស្តីអំពីគម្រោងថវិកាប្រចាំឆ្នាំ ២០២២ របស់ការិយាល័យ និង ផ្នែកវិស័យទាំង ២០ ចំណុះរដ្ឋបាលខណ្ឌ។
៨-បញ្ហាផ្សេងៗ ៕
