(កំពង់ចាម) ៖ មិនធម្មតាមែនម្ចាស់ទីតាំងល្បែងមួយកន្លែងនេះ ប៉ុន្មានថ្ងៃមុនធ្លាប់បើកលេងដុះស្លែ នៅចំណុច ចម្ការកៅស៊ូ លើក្បាលភ្នំព្រែកស្កែ ឃុំពាមកោះស្នា ដោយសារព័ត៌មាន បានចុះផ្សាយជាច្រើនអង្គភាពពេក ប៉ុន្តែឥឡូវម្ចាស់ទីតាំងល្បែងមួយនេះដដែល បានផ្លាស់ប្ដូរមកបើកលេងនៅចំណុច ចម្ការកៅស៊ូ ជាប់ព្រំប្រទល់(ភូមិ ៨២) និង (ភូមិ បែកអន្លូង) វិញម្តង នៅក្នុងទឹកដី ឃុំអារក្សត្នោត ស្រុកស្ទឹងត្រង់ ខេត្តកំពង់ចាម អាជ្ញាធរមានសមត្ថកិច្ច មូលដ្ឋាន មិនហ៊ានធ្វើការបង្ក្រាប!ទាល់តែសោះ
ប្រភពព័ត៌មានច្បាស់ការណ៍ទទួលបានពីពលរដ្ឋបានឲ្យដឹងនៅរសៀលថ្ងៃទី ២៥ ខែធ្នូ ឆ្នាំ ២០២១-នេះ ពួកគាត់សង្កេតឃើញ ឈ្មោះ នឿ និងឈ្មោះ វ៉ុន ជាម្ចាស់ល្បែងស៊ីសងជល់មាន់និងអាប៉ោងខុសច្បាប់ កំពុងបើកលេងយ៉ាងពេញបន្ទុក នៅចំណុច ចំការកៅស៊ូ មួយកន្លែង នៅ ភូមិ ឃុំ ខាងលើនេះ ពុំទាន់មានឃើញ អាជ្ញាធរមានសមត្ថកិច្ចមូលដ្ឋាន ណាហ៊ានចុះមកសួរនាំឬមួយធ្វើការបង្ក្រាប! ស្របតាមគោលនយោបាយភូមិ ឃុំ ឲ្យមានសុវត្ថិភាពជូនដល់ពលរដ្ឋម្តងណានោះឡើយ! ឬមួយអាជ្ញាធរមានសមត្ថកិច្ច ក្នុងមូលដ្ឋាន មួយចំនួនក្នុង ឃុំអារក្សត្នោត ស្រុកស្ទឹងត្រង់ អាចបានទទួលផលប្រយោជន៍យ៉ាងច្រើនពីម្ចាស់ទីតាំងបើកបទល្មើសល្បែងខុសច្បាប់មួយកន្លែងនេះអស់ហើយទេដឹង?បានជាបើកលេងបានដោយរលូន!
ប្រភពបានបន្តទៀតពីពលរដ្ឋនាំគ្នាដាក់ការសង្ស័យ លោកឯម វឌ្ឍនា អធិការនគរបាលស្រុកស្ទឹងត្រង់ ទើបឡើងកាន់តំណែងថ្មីៗមិនទាន់បានប៉ុន្មានខែផងស្រាប់តែកើតមានល្បែងស៊ីសងខុសច្បាប់ ជាច្រើនកន្លែងរីកដូចផ្សិតក្នុងស្រុកស្ទឹងត្រង់ នេះតែម្ដងបែរជាគ្មានការបង្ក្រាប ហេតុនេះកំពុងធ្វើឲ្យពួកគាត់មានការព្រួយបារម្ភជាខ្លាំងបញ្ហាអំពើចោរកម្ម ដូចជា ចោរលួច ចោរឆក់ និងចោរប្លន់ និងអំពើហិង្សាជាដើម បច្ចុប្បន្នឥឡូវនេះពួកយើងគ្រប់គ្នាបានដឹងយ៉ាងច្បាស់ហើយដែរអំពីបញ្ហា ជំងឺ កូវីដ-១៩,, ប្រភេទ អូមីក្រុង ទើបតែបំលែងថ្មីៗ កំពុងឆ្លងរីករាលដាលជាសកល ។
ដូច្នេះហើយបងប្អូនពលរដ្ឋនាំគ្នាសំណូមពរមកដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ជាពិសេស លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម គួរតែមានចំណាត់ចាត់កម្លាំងជំនាញក្រោមឱវាទចុះត្រួតពិនិត្យដើម្បីធ្វើការបង្ក្រាបទីតាំងល្បែងស៊ីសងខុសច្បាប់មួយកន្លែងកំពុងបើកលេងនៅភូមិ ឃុំ ខាងលើនេះ ហ៊ានផ្គើននិងវិធានការរដ្ឋបាលខេត្តកំពង់ចាម បីកុំ បីការពារ ៕
