ខេត្តបន្ទាយមានជ័យ ៖ នៅថ្ងៃសុក្រ ទី២៤ ខែធ្នូ ឆ្នាំ២០២១ ក្រៅពីការងារហ្វឹកហ្វឺនរៀនសូត្រ និងអនុវត្តភារកិច្ចស្នូល អង្គភាពវរសេនាតូចថ្មើរជើងលេខ៥១៤ បានរៀបចំហេដ្ឋារចនាសម្ព័ន ចាក់បេតុងមុខទីបញ្ជាការ ដើម្បីងាយស្រួល នាយ_ពលទាហាន ចូលរួមឈរគោរពរទង់ជាតិ ក្រោមការដឹកនាំលោកវរសេនីយ៍ទោ ប៉ែន សុគន្ធ មេបញ្ជាការ វរសេនាតូចថ្មើរជើងលេខ៥១៤ ធ្វើឲ្យអង្គភាព មានការរីកចម្រើនបន្តបន្ទាប់។
ក្រោមការយកចិត្តទុកដាក់ របស់លោកមេបញ្ជាការ វរសេនាតូចថ្មើជើងលេខ៥១៤ ក្នុងឆ្នាំ២០២១នេះដែរ ដោយកងកម្លាំងរបស់វរសេនាតូចថ្មើរជើងលេខ៥១៤ ចេញប្រតិបត្តិការតាមបន្ទាត់ព្រំដែនកម្ពុជា-ថៃ និងកងកម្លាំងត្រៀមអន្តរាគមន៍នៅក្នុងទីតាំង គ្រប់មេបញ្ជាការ អង្គភាពចំណុះ និងយោធិន បានខិតខំអនុវត្តការងារ តាមតួនាទី ភារកិច្ចបានយ៉ាងល្អ។
