ខេត្តប៉ៃលិន ៖ កសិករម្នាក់លោក គីម បូរីន បានលើកដៃសំណូមពរ និងស្នើសុំជួយរកយុត្តិធម៌ដល់ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ ក៏ដូចជាពិនិត្យទៅលើប្រព័ន្ធតុលាកាខេត្តប៉ៃលិនក្នុងសំណុំរឿងដីធ្លី ប្រមាណ៥ហិកតា ដែលមានអនិជនម្នាក់រស់នៅសហរដ្ឋអាមេរិក បានបញ្ជាអោយកូនចៅរបស់ខ្លួន មកភ្ជួរ និង ឈូសឆាយដីដែលមានព្រំប្រទល់ជាមួយលោក គីម បូរីន និងភ្ជួរចូលដល់ដីលោកគីម បូរីន ប្រមាណ ៣ហិកតាកន្លះថែមទៀតផង ដោយសម្អាងថាគាត់មានលុយ អាចធ្វើអ្វីៗក៏បានដោយបំពានទៅលើកសិករកម្នាក់លោកគីម បូរីន ទាំងលោកគីម បូរីន មានច្បាប់ការលក់ទិញដី សាក្សី មេភូមិ ចៅសង្កាត់ ដឹងលឺ ។
លោកគីម បូរីន បានបន្តថា លោកបានទិញដីចម្ការនេះពី លោក ពិន ប៊ុន ទំហំ៥ម៉ឺនម៉ែត្រការ៉េ ចាប់តាំងឆ្នាំ២០១៤ មកម្លេះ រួចលោកក៏បានធ្វើចម្ការដោយបានដាំពោត និងដំឡូងមី ជាបន្តបន្ទាប់ ។រហូតដល់ឆ្នាំ ២០១៧ លោកត្រូវបានអនិកជនម្នាក់រស់នៅសហរដ្ឋអាមេរិក លោក ថេត សម្បត្តិ បានអោយកម្មករ ភ្ជួរ ឈូសឆាយ ដី ដែលមានស្វាយកែវរមៀតជាង ៣០០ដើម របស់លោកគីម បូរីន ចោល ប្រមាណ៣ហិកតាកន្លះ និងបានប្តឹងថាលោកគីម បូរីន រំលោភយកដីគាត់ទើបគាត់អោយកម្មករភ្ជួ ដីបែបនេះ ប៉ុន្តែលោកគ្មានឯកសារណាមួយបញ្ជាក់ថាលោកមានកម្មសិទ្ធលើដីចម្ការនេះទេ ពោលលោកអាង មានលុយ បានឃុបឃិតគ្នាជាមួយប្រព័ន្ធតុលាការខេត្តប៉ៃលិន និងបានកោះហៅលោក គីម បូរីន ជិត១០ដងមកហើយ
និងបានចេញដីការសម្រេចឱ្យបង់ប្រាក់ចំនួន២៧លានរៀលទៀត ។
ពាក់ព័ន្ធទៅនឹងបញ្ហានេះ លោក ថេត សម្បត្តិ ដែលជាអានិកជនរស់នៅសហរដ្ឋអាមេរិក បានឱ្យដឹងតាមតេលេក្រាមថា ៖ បុរសជាកសិករខាងលើមិនបាច់ប្រឹងតតាំងជាមួយខ្លួននោះឡើយ បើចង់ឱ្យរឿងរ៉ាវខាងលើឆាប់ចប់ មានតែប្រគល់ដីទំនាស់ទាំងនោះឱ្យទៅលោកតាមសម្រួលប៉ុណ្ណោះ ព្រោះខាងលោកនឹងបន្តប្តឹងបន្ថែមទៀត ហើយធ្វើអ្វីក៏មិនឈ្នះលោកឡើយ៕
