ខេត្តស្វាយរៀង៖ ក្រុងបាវិត នៃខេត្តស្វាយរៀងជាក្រុងជាប់បន្ទាប់ខ្សែព្រំដនកម្ពុជាវៀតណាមគប្បីមន្ត្រីកងកម្លាំងទាំង៣បង្កើនកិច្ចសហប្រតិបត្តិការជាមួយភាគីវៀតណាមដើម្បីធ្វើការទប់ស្កាត់រាល់បទល្មើសដើម្បីរក្សាសុវត្ថិភាពសន្តិសុខព្រំដែនឲ្យមានសន្តិភាព។
នេះជាប្រសាសន៍ឯកឧត្តមនាយឧត្តមសេនីយ៍សៅសុខាមេបញ្ជាការរងកងយោធពលខេមរៈភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេសក្នុងឱកាសអញ្ជើញសម្ពោធមូលដ្ឋានកងរាជអាវុធហត្ថក្រុងបាវិត សាលាសង្កាត់បាវិតនឹងប៉ុស្តិនគរបាលសង្កាត់បាវិត នៅព្រឹកថ្ងៃទី ៨ ខែធ្នូឆ្នាំ២០២១នេះ។
នាយឧត្តមសេនីយ៍បានជំរុញដល់កងកំលាងទាំងបី បង្កើនកិច្ចសហប្រតិបត្តិការជាមួយនឹងកងកម្លាំងការពារព្រំដែនវៀតណាមធ្វើការទប់ស្កាត់រាល់បទល្មើសផ្សេងៗដែលកើតមាននៅតាមខ្សែបន្ទាត់ដើម្បីកសាងព្រំដែនឲ្យមានសន្តិភាពស្ថេរភាព និងទាំងផ្នែកនយោបាយផងដែរ។
ទន្ទឹមនឹងកិច្ចសហប្រតិបត្តិការទប់ស្កាត់បទល្មើសក្នុងនិងក្រៅក្រុងឯកឧត្តមនាយឧត្តមសេនីយ៍សៅ សុខាក៏បានណែនាំដល់កងកម្លាំងទាំងបីត្រូវគោរពបទបញ្ជារបស់គណៈបញ្ជាការឯកភាពខេត្តនឹងក្រុងពិសេសសហប្រតិបត្តិការឲ្យមានខ្សែសង្វាក់ពោលគឺធ្វើការអោយបានឯកភាពក្នុងកងកម្លាំង និងគោរពបទបញ្ជាផ្ទៃក្នុងរបស់អង្គភាព ថ្នាក់ក្រោមគោរពថ្នាក់លើ ថ្នាក់លើទទួលខុសត្រូវក្នុងកិច្ចប្រត្តិបត្តិការ ។
ឯកឧត្តមនាយឧត្តមសេនីយ៍សៅសុខា នូវបានថ្លែងនូវអំណរគុណចំពោះ រាជរដ្ឋាភិបាលដែលបានផ្តល់មូលនិធិឃុំសង្កាត់តាមរយៈរដ្ឋបាលខេត្តក្នុងការស្ថាបនាសាលាសង្កាត់ សម្រាប់បំរើការងាររដ្ឋបាលជូនពលរដ្ឋនៅមូលដ្ឋាន និងក៏សូមថ្លែងអំណរគុណផងដែរចំពោះរដ្ឋបាលខេត្ត និងសប្បុរសជនក្នុងនិងក្រៅខេត្តដែលបានចូលរួមចំណែកកសាងមូលដ្ឋានកងរាជអាវុធហត្ថក្រុងបាវិតនិងប៉ុស្តិ៍នគរបាលសង្កាត់បាវិត ដែលជាចំណែក មួយជួយសម្រួលនិងផ្តល់កន្លែងធ្វើការរបស់កងកំលាំងទាំង២អោយបានសមរម្យ ទៅតាមការវិវឌ្ឍរបស់ប្រទេសជាតិក្រោមការដឹកនាំរាជរដ្ឋាភិបាល សម្តេចអគ្គមហាសេនាបតីតេជោហ៊ុនសែនដ៏ឈ្លាសវៃ ។
ឯកឧត្តមសង្កត់ធ្ងន់ថា គ្មានការលំបាកណាដែលយើងមិនអាចធ្វើមិនបាននោះទេ ព្រោះពួកយើងបានឆ្លងកាត់ នូវបទពិសោធន៍និងការដឹកនាំបានល្អគ្រប់ថ្នាក់ ជាពិសេសយើងមានមគ្គុទេសក៍ដ៏ឆ្នើមគឺសម្ដេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃកម្ពុជាដែលបានស្វែងរកសន្តិភាពជូនជាតិមាតុភូមិនិងប្រែក្លាយប្រទេសកម្ពុជាពីចំណុចសូន្យឲ្យមានការអភិវឌ្ឍលើគ្រប់វិស័យ។
សូមបញ្ជាក់ថានៅក្នុងពិធីនេះដែរលោកនាយឧត្តមសេនីយ៍ សៅ សុខា បានឧបត្ថម្ភថវិកាដល់ យោធាការពារព្រំដែន ប៉ុស្តិនគរបាលរដ្ឋបាលក្រុង កម្លាំងកងរាជអាវុធហត្ថក្រុង និងសាលាសង្កាត់បាវិត សរុបថវិកា ២០លានរៀលផងដែរ៕
