ខេត្តស្វាយរៀង ៖ ឯកឧត្តមនាយឧត្តមសេនីយ៍សៅសុខា ប្រធានក្រុមការងាររាជរដ្ឋាភិបាលចុះជួយស្រុករមាសហែកខេត្តស្វាយរៀងបានស្នើដល់ក្រុមគ្រូពេទ្យធ្វើការផ្ដល់សេវាព្យាបាលជូនពលរដ្ឋឲ្យបានទាន់ពេលវេលាប្រកបដោយក្រមសិលធម៏ និងឥរិយាបទទន់ភ្លន់នៅពេលដែលអ្នកជំងឺស្វែងរកការព្យាបាល រួមនិង ការ រៀបចំធ្វើអនាមយ័ សម្អាតបរិស្ថាន មន្ទីរពេទ្យ ឲ្យមានសោភ័ណភាពផងដែរ ។
មានប្រសាសន៍ឡើងរបស់មន្ត្រីជាន់ខ្ពស់រាជរដ្ឋាភិបាលបែបនេះបានក្នុងឱកាសឯកឧត្តមអញ្ជើញបញ្ចុះបឋមសិលាកសាងមន្ទីរពេទ្យបង្អែកនៅស្រុករមាសហែកខេត្តស្វាយរៀងថ្ងៃទី ៧ ខែធ្នូឆ្នាំ ២០២១ នេះដោយមានការអញ្ជើញចូលរួមពីឯកឧត្តម ម៉ែន វិបុល អភិបាលខេត្ត ក្រុមប្រឹក្សាខេត្ត និងមន្ត្រីថ្នាក់ដឹកនាំតាមមន្ទីរស្ថាបន័ អង្គភាពនានាជុំវិញខេត្តផងដែរ។
ឯកឧត្តមបានបញ្ជាក់ថា ការដែលក្រុមគ្រូពេទ្យធ្វើការផ្ដល់សេវាព្យាបាលជូនពលរដ្ឋបានទាន់ពេលវេលាជាផ្នែកមួយក្នុងការលើកកម្ពស់កិត្យានុភាពនៃការដឹកនាំរបស់រាជរដ្ឋាភិបាលដែលមានសម្ដេចអគ្គមហាសេនាបតីតេជោហ៊ុនសែនជាមគ្គុទ្ទេស ក៏ដូចជាកិត្យានុភាពរបស់ក្រុមគ្រូពេទ្យដែលបំរើការនៅក្នុងមន្ទីរពេទ្យបង្អែកស្រុករមាសហែករបស់យើងផងដែរ។
ទន្ទឹមនឹងនោះដែរ ឯកឧត្តមនាយឧត្តមសេនីយ៍សៅសុខាក៏បានស្នើនិងជំរុញដល់ថ្នាក់ដឹកនាំស្រុកនិងក្រុមគ្រូពេទ្យបន្តចុះផ្សព្វផ្សាយវិធានរបស់ក្រសួងសុខាភិបាល ៣ ការពារនិង ៣ កុំបន្ថែមទៀតសំដៅពន្យល់ពលរដ្ឋឱ្យបន្តអនុវត្តរួមបញ្ជៀសជំងឺកូវីដ១៩ចម្លងចូលសហគមន៍ ខណៈដែលវត្តមានជំងឺកូវីដ១៩ ប្រភេទថ្មីនិងប្រភេទចាស់នៅតែបន្តចម្លង ពី ម្នាក់ ទៅម្នាក់ ពី សហគមន៏មួយទៅសហគមន៏មួយ បើយើងធ្វើការធ្វេសប្រហែសបន្តិច ។
ជាមួយគ្នានោះដែរ ឯកឧត្តមឧត្តមសេនីយ៍ក៏បានស្នើដល់ក្រុមការងារសាងសង់ត្រូវធ្វើឲ្យបានត្រឹមត្រូវទៅតាមរចនាបទ ធានាគុណភាព ពិសេសធ្វើការប្រយ័ត្នលើសុវត្ថិភាព ក្នុងដំណើរការស្ថាបនាសំណង់។ទាក់ទងទៅនឹងការស្ថាបនាមន្ទីរពេទ្យបង្អែក ពលរដ្ឋរស់នៅស្រុករមាសហែកបានសម្ដែងនូវការសប្បាយរីករាយនិងអរគុណចំពោះឯកឧត្តមនាយឧត្តមសេនីយ៍សៅសុខានិងសប្បុរសជនក្នុងនិងក្រៅប្រទេសដែលបានរួមវិភាគទាន ស្ថាបនាមន្ទីរពេទ្យដែលជាការរួមចំណែកកាត់បន្ថយការចំណាយរបស់អ្នកជម្ងឺក្នុងការស្វែងរកមន្ទីពេទ្យព្យាបាលនៅក្រៅស្រុក។សូមបញ្ជាក់ថាអគារមន្ទីរពេទ្យ ដែលបញ្ចុះបឋមសិលាស្ថាបនាមាននេះមានបណ្ដោយ៦៣ម៉ែត្រ ទទឹង ១៨ ម៉ែត្រកម្ពស់ ២ ជាន់ ៤០ បន្ទប់សម្រាប់អ្នកជំងឺសំរាកព្យាបាលនិងការិយាល័យរបស់ក្រុមគ្រូពេទ្យប្រតិបត្តិការ។
នៅក្នុងពិធីបញ្ចុះបឋមសិលាសាងសង់អគារមន្ទីរពេទ្យបង្អែករមាសហែកនេះ ឯកឧត្តម នាយឧត្តមសេនីយ៍ សៅ សុខា បានប្រកាសរាយនាមឈ្មោះសប្បុរសជនដែលបានចូលជួយដល់ការសាងសង់និងសម្ភារបរិក្ខាពេទ្យនូវមន្ទីរពេទ្យនេះ ទទួលបានថវិកាសរុបចំនួន ១.២០០.០០០ ដុល្លារ (មួយលានពីររយពាន់ដុល្លារ) ដែលអាគារនេះមានទំហំ ១៨ម៉ែត្រX៦៣ម៉ែត្រ កម្ពស់២ជាន់ ចំនួន៤០បន្ទប់។
ចុងបញ្ចប់នៃពិធីនេះ ឯកឧត្តមប្រធាន បានឧបត្ថម្ភថវិកា សម្ភារដល់មន្ទីរពេទ្យបង្អែករមាសហែក និងអ្នកជំងឺ រួមមាន
-ម៉ាស់ ១០.០០០ម៉ាស
-អាល់កុល ៣០ប៊ីដុង
-ថវិកាដល់គ្រូពេទ្យចំនួន១១៩នាក់ ម្នាក់ៗទទួលបាន២០០.០០០រៀល
-អ្នកជំងឺ៣៦នាក់ ម្នាក់ៗទទួលបាន១០០.០០០រៀល
-រដ្ឋបាលស្រុក ៥.០០០.០០០រៀល
-មន្ទីរពេទ្យបង្អែកស្រុក ៥.០០០.០០០រៀល
-អធិការដ្ឋាននគរបាលស្រុក ១.០០០.០០០រៀល
-អាវុធហត្ថស្រុក ១.០០០.០០០រៀល
-សឹករងស្រុក ១.០០០.០០០រៀល
-ប្រជាការពារភូមិ ១.០០០.០០០រៀល
-រៀបចំក្រុងពាលី ៦.២០០.០០០រៀល
-រៀបចំពិធីបញ្ចុំបឋមសិលា ៨៧៥.០០០រៀល
-ចូលបច្ច័យជាវស៊ីម៉ង់តិ៍ប្រគេនដល់ វត្តសមរាម ស៊ីម៉ង់តិ៍ ចំនួន៦០តោន គិតជាថវិកា ៦.០០០ដុល្លារ
សរុបថវិការួម ៤៨.៨៩៥.០០០រៀល និង ៦.០០០ដុល្លារ៕
