កំពង់ឆ្នាំង ៖ ពលរដ្ឋនៅក្នុងស្រុកជលគិរីបានផ្ញើរសំណេរដោយសរសេរថាមន្ដ្រីជំនាញមួយចំនួនចេះប្រើល្បិចកលស្ពិនភ្នែកថ្នាក់ដឹកនាំដោយយកសហគមន៍ធ្វើជាឈ្នាន់ បំផ្លាញធនធានមច្ឆាជាតិ សំណេរនេះត្រូវបានផ្ញើរមកអោយអ្នកសារព័ត៏មាននៅថ្ងៃទី១៦ខែ វិច្ឆិកា ឆ្នាំ២០២១។
តាមការសរសរសំនេរបានបញ្ចាក់យ៉ាងច្បាស់ថា ផ្លូវដែលមច្ឆាជាតិទាំងតូចទាំងធំធ្លាប់ធ្វើចរាចរណ៍គ្រប់រដូវកាលតាំងតែពីដើមមក ឥឡូវត្រូវបានជំនាញពាក់ព័ន្ធមួយចំនួនចេះយកល្បែងឆ្ពិនភ្នែកថ្នាក់ដឹកនាំដោយឈ្មោះសហគមន៍បិតបាំងធ្វើជាមុខជំនួញ! តែការពិតប្រភពពលរដ្ឋដែលរស់នៅក្នុងស្រុកជលគីរី បានឲ្យដឹងថាជារៀងរាល់ឆ្នាំគេឃើញការដាក់ដៃបិទព្រែកស្ទើរតែគ្រប់កន្លែង ដោយពួកគាត់បានបញ្ជាក់ថាឈ្មោះលោក សុខ ចំរើន ជាអ្នកផ្ដល់មធ្យោបាយគ្រប់បែបយ៉ាងឲ្យទៅសហគមន៍ដើម្បីបានជាថ្នូរនឹងទិញត្រីពីព្រែកទាំងអស់នោះត្រឡប់មកវិញ ។
ប្រភពបានបន្តទៀតថាសំខាន់ជាងគេគឺលោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង រួមគ្នាជាមួយលោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង បានលេងល្បែងឆ្ពិនភ្នែកដាក់ថ្នាក់ដឹកនាំយកសហគមន៍ដើម្បីជាលេសបន្តយុទ្ធសាស្ដ្របំផ្លាញពូជត្រីពងកូនគ្រប់រដូវកាល ។
លោកសុខ ចំរើន ត្រូវបានគេស្គាល់ថាជាមេឈ្មួញដុះស្លែរ ម៉ៅការមុខទិញត្រីផ្ដាច់មុខគ្រប់ព្រែកដែលបាន ដាក់របាំងសាច់អួនក្រឡាញឹកស្ទាក់មិនឱ្យត្រីទាំងតូចទាំងធំធ្វើចរាចរណ៍ចុះទៅរកបឹងបួរទន្លេបានឡើយ។
បើតាមប្រភពពីប្រជានេសាទ បានអោយដឹងថា លោកសុខ ចំរើន ធ្វើជាទាហាន រស់នៅក្នុងភូមិកំពង់ប្រាសាទ ឃុំសែប ស្រុកកំពង់ត្រឡាច ខេត្តកំពង់ឆ្នាំង ។
ចំណុចទីតាំងនិងភូមិសាស្ត្រដែលលោកសុខ ចំរើន បានប្រើឲ្យសហគមន៍ធ្វើសកម្មភាពដាក់ដៃកាត់ព្រែក គឺនៅចំណុចបត់ត្រង់ ឃុំកោះថ្កូវ ស្រុកជលគិរី , ចំណុចព្រែកតាប្រុស ក្នុងភូមិតាមល់ក្រោម, ចំណុចព្រែកល្វាក្នុងភូមិតាមល់លើ ឃុំកោះថ្កូវ, ដោយឡែកចំណុចព្រែកតារស់ ស្ថិតនៅក្នុងឃុំកំពង់ក្ដា ស្រុកកំពង់ត្រឡាច និង ចំណុចព្រែកថ្មី ក្នុងភូមិសាស្ត្រស្រុកកំពង់ត្រឡាចក្រោម, ចំណុចឆ្នុកអណ្ដែង ស្ថិតនៅក្នុងឃុំកោះថ្កូវ ស្រុកជលគិរី ខេត្តកំពង់ឆ្នាំង។
ពាក់ព័ន្ធនិងការលើកឡើងជាសំណេររបស់ពលរដ្ននេះយើងមិនអាចសុំការបកស្រាយពីលោក សុខចំរើន លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំង លោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង និងអ្នកពាក់ព័ន្ធ បាននៅឡើយ ដោយសារពុំមានលេខទូស័ព្ទ តែដើម្បីអោយព័ត៏មាននេះ មានតល្យភាព មានការពិត និងមិនលំអៀង អង្គភាព សារព័ត៏មាន រិទ្ធីដាវដែក សូមស្វាគមន៍រាល់ការបកស្រាយទាំងឡាយជាក្រោយ គ្រប់ម៉ោងធ្វើការ។
ពលរដ្ឋនៅក្នុងស្រុកជលគីរីក៏ដូចជានៅក្នុងខេត្តកំពង់ឆ្នាំងសំណូមពរទៅ ឯកឧត្តមអភិបាលនៃគណៈអភិបាលខេត្តកំពង់ឆ្នាំងមេត្តាជួយរំដោះពូជត្រីពងកូនដែលកំពុងតែជាប់រនាំងសហគមន៍ដាក់ដៃកាត់ព្រែកនឹងដាក់អ៊ួនក្រឡាញឹកដើម្បីចាប់លក់ឲ្យមេឈ្មួញដែលមានឈ្មោះសុខ ចំរើន ដោយពលរដ្ឋពិតជាមានការសោកស្ដាយ មិនគួរណាបណ្ដែតបណ្ដោយឱ្យមានថៅកែឡូត៍នេសាទធ្វើទង្វើបែបនេះនោះទេ៕
