កំលាំងសមត្ថកិច្ចជំនាញ នៃអធិការដ្ឋាននគរបាលស្រុកមង្គលបុរី ឃាត់ខ្លួនជនសង្ស័យចំនួន០៧នាក់ ក្នុងនោះមានអ្នកលក់ និងជក់ គ្រឿងញៀន

កំលាំងសមត្ថកិច្ចជំនាញ នៃអធិការដ្ឋាននគរបាលស្រុកមង្គលបុរី ឃាត់ខ្លួនជនសង្ស័យចំនួន០៧នាក់ ក្នុងនោះមានអ្នកលក់ និងជក់ គ្រឿងញៀន!

(បន្ទាយមានជ័យ) ៖ មានជនសង្ស័យមានចំនួន ០៧នាក់ ក្នុងនោះមានអ្នកលក់ និងអ្នក
ជក់គ្រឿងញៀន មានទាំងកាំបិតពិឃាត និងថ្នាំញៀនត្រូវនគរបាលស្រុកមង្គលបូរីឃាត់ខ្លួន បាននៅរសៀលថ្ងៃទី១៥ខែវិច្ឆិកា ឆ្នាំ២០២១ នេះ ដើម្បីចាត់ការតាមនិតិវិធី ការឃាត់ខ្លួន ជនសង្ស័យទាំង៧នាក់នេះ គឺមានទាំងអ្នកលក់ និងអ្នកជក់គ្រឿងញៀនទៀតផង។
ដោយមានការអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ។
លោកវរសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរី បានឲ្យអ្នកយកព័ត៌ដឹងថា នៅព្រឹក ថ្ងៃទី១៥ ខែវិច្ឆិកា ឆ្នាំ២០២១ លោកបានដឹកនាំ កម្លាំងនគរបាលស្រុក
មង្គលបូរី បានល្បាតស្ទាក់តាមចាប់យុវជនជាជនសង្ស័យចំនួន៥នាក់ ក្នុងនោះមានអ្នកលក់ថ្នាំញៀន ម្នាក់ មានឈ្មោះទុំ សុភក្រ្ត ភេទប្រុសអាយុ ៣៥ឆ្នាំ រស់នៅភូមិបឹងត្រស់ ឃុំភ្នំតូច ស្រុកមង្គលបូរី ខេត្តបន្ទាយមានជ័យ នៅចំណុចផ្លូវលំ ស្ថិតក្នុងភូមិភ្នំធំជើង ឃុំអូរប្រាសាទ ស្រុកមង្គលបូរី និងដកហូតបានវត្ថុតាងម្សៅក្រាម ពណ៌សថ្លា សង្ស័យជាថ្នាំញៀន(ម៉ាទឹកកក)ចំនួន៤ថង់តូច,កាំបិត៧,ទូរស័ព្ទដៃចំនួន៣គ្រឿង ចំណែក៤នាក់ទៀតជាអ្នកជក់។
បើយោងតាម លោកវរសេនីយ៍ឯក ស៊ិន ណារ៉ាក់បានបញ្ជាក់ឲ្យដឹងបន្តទៀតថា
បន្ទាប់ពីធ្វើការសួរនាំ ឈ្មោះ ទុំ សុភក្រ្ត រួចមកកម្លាំងនគរបាលស្រុកបានបន្តឃាត់ខ្លួនអ្នកលក់ថ្នាំញៀនបានចំនួន២នាក់បន្ថែមទៀត
១មានឈ្មោះ ទួន ចាន់ទីន ភេទប្រុសអាយុ៣៦ឆ្នាំ រស់នៅភូមិភ្នំធំថ្មី ឃុំអូរប្រាសាទ ស្រុកមង្គលបូរី
២ ឈ្មោះ ពៅ សីហា ហៅ គីរី ភេទប្រុសអាយុ ២៤ឆ្នាំ រស់នៅភូមិភ្នំធំជើង ឃុំអូរប្រាសាទ ស្រុកមង្គលបូរី ក្នុងនោះដកហូតបានវត្ថុតាង ម្សៅក្រាម ពណ៌សថ្លា សង្ស័យជាថ្នាំញៀន(ម៉ាទឹកកក)ចំនួន១២កូនថង់ ថ្នាំគ្រាប់ពណ៌ក្រហម មានអក្សរ WY លើគ្រាប់ថ្នាំម្ខាងចំនួន​៤៨គ្រាប់ និងកូនថង់ប្លាស្ទិកសម្រាប់ច្រកថ្នាំញៀនមួយចំនួន និងឧបករណ៍សម្រាប់ច្រកថ្នាំញៀន១ចំនួន និងទូរស័ព្ទដៃចំនួន២គ្រឿង ក្នុងនោះក៏មានកាំបិតចម្រុះសំរាប់ធ្វើឃាតមនុស្ស មានចំនួន៨ដើមផងដែរ។
លោកវរសេនីយ៍ឯក ស៊ិន ណារ៉ាក់ បានបញ្ជាក់ឲ្យដឹងបន្តទៀតថា ក្រោយពីធ្វើកំណត់ហេតុរួចហើយកំលាំងនគរបាលជំនាញគ្រឿងញៀនបានបញ្ជូន
យុវជន ជាជនសង្ស័យទាំង ៧នាក់នោះ ទៅតុលាការដើម្បីដាក់ទោសទៅតាមច្បាប់ជាបន្ត។