ឯកឧត្តម សុខ លូ ប្រារព្ធពិធីក្រុងពាលីបួងសួងមុនថ្ងៃប្រកាសចូលកាន់មុខតំណែងជាអភិបាលខេត្តបាត់ដំបង

ខេត្តបាត់ដំបង៖ ឯកឧត្តម សុខ លូ អតីតអភិបាលនៃគណៈអភិបាលខេត្តកំពង់ធំ និងលោកជំទាវ ព្រមទាំងក្រុមគ្រួសារបានប្រារព្ធពិធីក្រុងពាលី បួងសួង ដើម្បីសុំសេចក្តីសុខសប្បាយជូនដល់មន្ត្រីរាជការ កងកម្លាំងប្រដាប់អាវុធនិងបងប្អូនប្រជាពលរដ្ឋក្នុងខេត្តក៏ដូចជាទូរទាំងប្រទេសផងដែរនាឱកាសមុនថ្ងៃដែលឯកឧត្តមត្រូវបានប្រកាសផ្លាស់ប្ដូរចូលកាន់មុខតំណែងជាអភិបាលខេត្តបាត់ដំបង ។
ពិធីក្រុងពាលីបួងសួងនេះដែរ បានប្រារព្ធរៀបចំធ្វើឡើងនៅព្រឹកថ្ងៃទី១០ ខែតុលា ឆ្នាំ២០២១ ស្ថិតនៅខាងមុខលោកតាដំបងក្រញូង និងក្នុងបរិវេណសាលាខេត្តបាត់ដំបង គោលបំណងដើម្បីសុំសេចក្តីសុខសប្បាយជូនទៅដល់ថ្នាក់ដឹកនាំខេត្ត ក៏ដូចជាមន្ត្រីរាជការ កងកម្លាំងប្រដាប់អាវុធ និងបងប្អូនប្រជាពលរដ្ឋទូទាំងខេត្តបាត់ដំបងទាំងមូលផងដែរ។
ក្នុងនាមឯកឧត្ដមមកកាន់តំណែងជាអភិបាលនៃគណះអភិបាលខេត្តបាត់ដំបង និងក្នុងនាមអោយរដ្ឋបាលខេត្តបាត់ដំបង ឯកឧត្តមសូមបួងសួងទៅដល់វត្ថុស័ក្តិសិទ្ធិក្នុងលោក សូមអោយតាមបីបាច់ថែរក្សាទៅដល់ពុកម៉ែបងប្អូនប្រជារាស្ត្រក្នុងខេត្ត និងមន្ត្រីរាជការ កងកម្លាំងប្រដាប់អាវុធទាំងអស់សូមអោយជួបតែសេចក្ដីសុខ សេចក្ដីចំរើន ជៀសឆ្ងាយពីជំងឺដង្កាត់ ជាពិសេសជៀសផុតឆ្ងាយពីជំងឺកូវីដ១៩ទាំងអស់គ្នា។