ប្រជាការពារខណ្ឌដូនពេញម្នាក់សន្លប់បាត់បង់ស្មារតីពេលចូលជួយពន្លត់អគ្គីភ័យដែលបានឆាបឆេះផ្ទះរបស់ប្រជាពលរដ្ឋ
(ភ្នំពេញ)៖ តាមសេចក្តីរាយការណ៍បានឲ្យដឹងថានៅវេលាម៉ោង ១៨:៤៥នាទីយប់ ថ្ងៃទី ០៩ ខែតុលា ឆ្នាំ២០២១ មានករណីអគ្គីភ័យឆាបឆេះផ្ទះប្រជាពលរដ្ឋដែលមានអាស័យដ្ឋានផ្ទះលេខ២៣៧២ សង្កាត់ស្រះចក ខណ្ឌដូនពេញ។
ក្នុងប្រតិបត្តិការនេះក្រោមការដឹកនាំបញ្ជាពីផ្ទាល់ពីលោក សុខ ពេញវុធ អភិបាល នៃគណៈអភិបាលខណ្ឌដូនពេញ និងដោយមានការចូលរួមពីកំលាំងអគ្គីភ័យក្រុងភ្នំពេញ និងមន្ត្រីគ្រប់លំដាប់ថ្នាក់ក្រោមឱវាទ។ ប្រតិបត្តិការនេះប្រជាការពារខណ្ឌដូនពេញម្នាក់បានសន្លប់បាត់បង់ស្មារតីដោយសារប្រជាពលរដ្ឋបាញ់ផ្សែងបំពង់ពន្លត់អគ្គីភ័យត្រូវក្នុងពេលចូលទៅជួយអន្តរាគមន៍ពន្លត់អគ្គីភ័យ។
ក្រោយហេតុការណ៍នេះ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានបញ្ជូនជនរងគ្រោះទៅពិនិត្យព្យាបាលនៅមណ្ឌលសុខភាពចតុមុខ ក្នុងខណ្ឌដូនពេញ។
សូមបញ្ជាក់ថា អគ្គីភ័យនេះត្រូវបានរលត់ទាំងស្រុងនៅវេលា ម៉ោង ៧,១៥នាទីយប់នាថ្ងៃដដែល៕
\
