ខេត្តបន្ទាយមានជ័យ:យុវជនម្នាក់ស្គាល់នារីជាអនិតិជនបានត្រឹមតែ៧ថ្ងៃស្រាប់តែធ្វើការណាត់ជួបមករួមរ័កនៅក្នុងបន្ទប់ជួលល្ងាចឡើងត្រូវសមត្ថកិច្ចឃាត់ខ្លួន
នៅវេលាម៉ោង១២ និង២០នាទី ថ្ងៃត្រង់ ថ្ងៃទី ២៩ខែកញ្ញា ឆ្នាំ២០២១។
លោកវរសេនីយ៍ទោ ស៊ុន សារឿន នាយការរងការិយាល័យ ប្រឆាំងការជួញដូរមនុស្សនិងការពារ អនីតិជន បានប្រាប់អ្នកយព័ត៍មានឲ្យដឹងថា
ជនសង្ស័យឈ្មោះ ធឿន រ៉ាម៉ាញ ភេទប្រុស អាយុ២៣ឆ្នាំ មុខរបរជាបុគ្គលិករោងចក្រកាត់ដេរអូរនាង ស្នាក់នៅបន្ទប់ជួល ភូមិអូរប្ញស្សី សង្កាត់ផ្សារណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ទោ ស៊ុន សារឿន បានបញ្ជាក់ឲ្យដឹងបន្តទៀតថា ក្រោយរួមរ័កហើយល្ងាចឡើងម្តាយជនរងគ្រោះដាក់ពាក្យប្តឹងសមត្ថកិច្ចឲ្យជួយធ្វើអន្តរាគមន៍ លោកបានដឹកនាំកំលាំងនគរបាល១ក្រុមចុះឃាត់ខ្លួនជនសង្ស័យតែម្តង។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានរួមភេទជាមួយក្មេងស្រីពិត ក្រោយពីមានទំនាក់ទំនងជាមួយគ្នារយៈពេល១សប្តាហ៍កន្លងមក នៅវេលាម៉ោង១២និង២០នាទីថ្ងៃត្រង់ នាងបានណាត់ឲ្យខ្លួនទៅយកនាងមកលេងក្នុងបន្ទប់ខ្លួនជួល ហើយបានរួមភេទជាមួយនាងបានសម្រេច១ដង ហើយបានដឹកនាងទៅផ្ទះវិញ លុះល្ងាច ថ្ងៃដដែល ត្រូវបាននគរបាលមកឃាត់ខ្លួនតែម្តង ។
លោកវរសេនីយ៍ទោ ស៊ុន សារឿន បានឲ្យដឹងទៀតថា ដោយផ្អែកតាមបណ្តឹងរបស់ក្មេងស្រីរងគ្រោះ និងចម្លើយសារភាពរបស់ជនសង្ស័យឈ្មោះ ធឿន រ៉ាម៉ាញ នគរបាលការិយាល័យជំនាញ បានកសាងសំណុំរឿងបញ្ជូនខ្លួនទៅសាលាដំបូងខេត្ត នៅព្រឹក ថ្ងៃទី១ ខែ តុលា ឆ្នាំ ២០២១នេះ ដើម្បីចាត់ការបន្តតាមនិតិវិធី៕
