(បន្ទាយមានជ័យ):លោកវរសេនីយ៍ត្រី នួន នីណារ៉ូ មេបញ្ជាការមូលដ្នានកងរាជអាវុធហត្ថក្រុងប៉ោយប៉ែតបានឱ្យដឹងថា ខណះដឹកនាំកម្លាំងត្បាតរហូតដល់វេលាម៉ោង០០និង៣០នាទី ថ្ងៃទី៣០ ខែកញ្ញា ឆ្នាំ២០២១ រហូតដល់ចំណុចកាស៊ីណូហ្គោឌិនស្ទូចត្រី ស្ថិតក្នុងភូមិសាមគ្គីមានជ័យសង្កាត់/ក្រុងប៉ោយប៉ែត បានធ្វើការឃាត់ខ្លួនបុរសម្នាក់កំពុងតែប្រើប្រាស់គ្រឿងញៀន ។បន្ទាប់មកកម្លាំងបានធ្វើការឆែកឆេរលើដងខ្លួនរកឃើញគ្រឿងញៀនប្រភេទម៉្សៅក្រាមពណ៌សចំនួន០៣កូនថង់កិប ទម្ងន់៣,៤២ក្រាមបន្ថែមទៀត ហើយបញ្ជូនមកមូលដ្ឋានកងរាជអាវុធហត្ថក្រុងដើម្បីសួរនាំតាមនីតិវិធី ។
លោកវរសេនីយ៍ត្រី នួន នីណារ៉ូ បានឱ្យដឹងទៀតថា ជនសង្ស័យឈ្មោះ សាត់ថា ផុមភួង ភេទប្រុស អាយុ២៤ឆ្នាំ ជាជនជាតិថៃ មុខរបរ បុគ្គលិកអនឡាញ បច្ចុប្បន្ន ស្នាក់នៅបណ្ដោះអាសន្ន ភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ ហើយជនសង្ស័យរូបនេះក្រោយពីកម្លាំងជំនាញកងរាជអាវុធហត្ថក្រុងសួរនាំរួចបានឆ្លើយសារភាពថា រូបគេពិតជាបានទិញគ្រឿងញៀនមករក្សាទុកដើម្បីប្រើប្រាស់ជាប្រចាំពិតប្រាកដមែន ។
ដោយផ្អែកលើវត្ថុតាង និងចម្លើយសារភាពរបស់ជនសង្ស័យ កម្លាំងជំនាញមូលដ្ឋានកងរាជអាវុធក្រុងប៉ោយប៉ែត បានកសាងសំណុំរឿងបញ្ជូនជនសង្ស័យ រួននឹងវត្ថុតាងមកការិយាល័យប្រឆាំងបទល្មើសគ្រឿងញៀន បញ្ជាការដ្ឋានកងរាជអាវុធហត្ថខេត្តចាត់ការបន្ត ។
លោកវរសេនីយ៍ឯក ជា តារា មេបញ្ជាការរងកងររាជអាវុធហត្ថខត្ត ទទួលការងារប្រឆាំងបទល្មើសគ្រឿងញៀនបានប្រាប់ឱ្យដឹងថា បច្ចុប្បន្ន ជនសង្ស័យខាងលើរួមទាំងវត្ថុតាងត្រូវបានកម្លាំងការិយាល័យប្រឆាំងបទល្មើសគ្រឿងបញ្ជូនទៅសាលាដំបូងខេត្ត នៅព្រឹកថ្ងៃទី០១ ខែតុលា ឆ្នាំ២០២១ ដើម្បី
ចាត់ការបន្តតាមនិតិវិធីច្បាប់៕
