ខេត្តបន្ទាយមានជ័យ:នៅព្រឹកថ្ងៃទី៣០ ខែកញ្ញា ឆ្នាំ២០២១ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាល ខេត្តបន្ទាយមានជ័យ អញ្ជើញជាអធិបតីក្នុងកិច្ចប្រជុំពង្រឹងប្រសិទ្ធភាពការងារ ដល់កងវរសេនាតូច ទាំង៨ និងការិយាល័យជំនាញទាំង៣១។
កិច្ចប្រជុំនេះត្រូវបានធ្វើឡើង ក្នុងគោលបំណង
១-ពង្រឹងប្រសិទ្ធិភាពការងារប្រចាំថ្ងៃរបស់នគរបាល
២-ដាក់ចេញនូវផែនការណ៍ត្រៀម បង្ការ បង្រ្កាប សង្គ្រោះ ជូនប្រជាពលរដ្ឋតាមមូលដ្ឋានដែលប្រឈម រងគ្រោះដោយទឹកជំនន់និងបញ្ហាកូវីដ
៣-កងកម្លាំងទាំងអស់ដែលឆ្លងកូវីដត្រូវបានលើកទឹកចិត្តពីអង្គភាព
៤-កម្លាំងទាំងអស់ត្រូវរៀនរស់ជាមួយកូវីដ និងថែរក្សាសុខភាព
៥-ត្រូវគ្រប់គ្រងតាម មណ្ឌលច័តាឡស័ក ,ព្រំដែន , និងត្រូវអនុវត្តតាមក្រសួងសុខាភិបាល ៣កុំ ៣ការពារ
៦-ត្រូវត្រៀមកម្លាំងប្រចាំការ ២៤/២៤ ដើម្បី ទ្រោលសភាពណ៍និងអន្តរាគមន៍ ហេតុការជាយថាហេតុ
៧-ត្រៀមកម្លាំង សម្ភារ: រថយន្ត ទូក ខ្សែ កង់ឡាន អាវពោង និងស្បៀង ចាំជួយសង្គ្រោះពលរដ្ឋពីទឹកជំនន់
៨-នគរបាលទាំងអស់ត្រូវពង្រឹងវិន័យ ការស្លៀកពាក់ឯកសណ្ធាន ក្នុងពេលបំពេញការ និងបេសកម្ម ឱ្យបានសមរម្យ ម៉ឺងម៉ាត់ ម៉ត់ចត់
នាឱកាសនោះដែរលោកឧត្តមសេនីយ៍ទោ សិទ្ធិ ឡោះ ក៏បានដាក់ចេញនូវបទបញ្ជា ឲ្យគ្រប់បណ្តាកងឯកភាព និងជំនាញពាក់ពន្ធ័ទាំងអស់ ត្រូវលុបបំបាត់ភាពអសកម្មការងាររបស់ខ្លួន ត្រូវគោរព តួនាទីភារកិច្ច ឲ្យបានល្អ នៅមានសាមគ្គីភាពផ្ទៃក្នុង។ កងវរសេនាតូចទាំង៨ ត្រូវតៀមកម្លាំងនិងមានមុខ នៅការិយល័យជំនាញរៀងខ្លួនៗ ត្រៀមចុះអន្តរាគមន៍ហេតុការណ៍កើតឡើងជាយថាហេតុ៕
