ខេត្តប៉ៃលិន៖ នៅក្នុងកិច្ចប្រជុំមួយលោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន នៅព្រឹកថ្ងៃទី២១ ខែកញ្ញា ឆ្នាំ២០២១នេះ បានដឹកនាំមន្ត្រីពាក់ព័ន្ធ និងកម្លាំងមានសមត្ថកិច្ច ចូលរួមក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ ផ្លូវគោកប្រចាំឆមាសទី១ និងទិសដៅការងារ ឆមាសទី២ ឆ្នាំ២០២១ របស់គណៈកម្មាធិការជាតិសុវត្ថិភាពចរាចរណ៍ផ្លូវគោក ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក តាមប្រព័ន្ធអនឡាញ Zoom ។
គួបញ្ជាក់ផងដែរថា ៖ ក្នុងឆមាសទី១ ឆ្នាំ២០២១នេះ គ្រោះថ្នាក់ចរាចរណ៍ ក្នុងខេត្តប៉ៃលិន កើតមានចំនួន០២លើក ក្នុងក្រុងប៉ៃលិន ទាំង០២លើក ។ ដោយឡែកសម្រាប់ការងារចុះបញ្ជី បានធ្វើការចុះបញ្ជីរថយន្តទេសចរណ៍ចំនួន១២គ្រឿង រថយន្តដឹកទំនិញធុនតូចបានចំនួន១១គ្រឿង រថយន្តដឹកទំនិញធុនធំបានចំនួន០៩គ្រឿង រថយន្តដឹកអ្នកដំណើរធុនតូច ចំនួន ១គ្រឿង រថយន្តដឹកអ្នកដំណើរធុនធំ ចំនួន ០០គ្រឿង ទោចក្រយានយន្ត (ម៉ូតូ)ចំនួន ៥៩គ្រឿង៕
