កណ្តាល៖ នៅព្រឹកថ្ងៃអាទិត្យ ៥រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ ខែកញ្ញា ឆ្នាំ២០២១ វេលាម៉ោង០៩:៣០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងលោកស្រី ហេង សុខគង់ បានអញ្ជើញទៅប្រគេនទេយ្យទាននិងបច្ច័យចូលបុណ្យវត្តចំនួន៧វត្តក្មុងមូលដ្ឋានខណ្ឌដូនពេញ មានទេយ្យទាន និងបច្ច័យដូចខាងក្រោម៖
១.ទឹកក្រូច៥កេស /វត្ត
២.ទឹកសុទ្ធ១០កេស /វត្ត
២.អង្ករ១០០គីឡូក្រាម /វត្ត
៣.មីចំនួន១២កេស/វត្ត
៥.ត្រីខ១កេស ធំ/វត្ត
៦.បច្ច័យចំនួន៥០០,០០០៛/វត្ត។
លោក សុខពេញវុធ បានមានប្រសាសន៍ថា សូមបងប្អូនប្រជាពលរដ្ឋ ជា ពុទ្ធបរិស័ទអាចវេរទេយ្យទាន ប្រគេនតាមប្រព័ន្ធធនាគារ និងប្រគេនចង្ហាន់ត្រឹមខ្លោងទ្វារវត្ត
ក៏បានដែរ។លោក សុខ ពេញវុធ អភិបាល នៃ អភិបាលខណ្ឌដូនពេញ បានបញ្ជាក់ថា យោង កាលពី ថ្ងៃសុក្រនេះ ក្រសួងធម្មការនិងសាសនា បានជូនដំណឹងពីការផ្អាកពិធីកាន់បិណ្ឌ និងភ្ជុំបិណ្ឌចាប់ពីបិណ្ឌទី៤តទៅ ក្រោយពីមានការសម្រេចពីប្រមុខរដ្ឋាភិបាលកម្ពុជា ដោយហេតុថាការឆ្លងរាលដាលនៃជំងឺកូវីដ១៩នៅតាមទីវត្តអារាម។
លោក សុខ ពេញវុធ អភិបាលខណ្ឌដូនពេញ បាន បន្តថា ទោះបីជាពិធីកាន់បិណ្ឌនិងភ្ជុំបិណ្ឌ ត្រូវផ្អាកចាប់ពីបិណ្ឌទី៤ ក៏ប៉ុន្តែប្រជាពលរដ្ឋនៅតែអាចយកចង្ហាន់ទៅប្រគេនព្រះសង្ឃនៅត្រឹមមុខខ្លោងទ្វារវត្ត និងការវេរទេយ្យទានតាមប្រព័ន្ធធនាគារជាដើម។ លោក សុខ ពេញវុធ បានបញ្ជាក់ថា ការផ្អាកពិធីកាន់បិណ្ឌនិងភ្ជុំបិណ្ឌមិនមានអ្វីត្រូវប៉ះពាល់ដល់ទំនៀមទម្លាប់ ប្រពៃណី និងជំនឿសាសនារបស់ខ្មែរតាំងពីបុរាណមកនោះទេ តែជាការរៀនរស់នៅក្នុងរបត់ថ្មីនៃវិបត្តិកូវីដ-១៩៕
