ខេត្តបន្ទាយមានជ័យ៖នៅថ្ងៃទី២២ ខែកញ្ញា ឆ្នាំ២០២១ លោកឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ៥១ រួមជាមួយមេបញ្ជាការ កម្លាំងចំរុះអាជ្ញាធរមូលដ្ឋាន បានអញ្ចើញចុះត្រួតពិនិត្យស្ថានភាពជំនន់ទឹកភ្លៀងដែរកំពុងហក់ឡើងជាកំហុកគួរអោយកត់សម្កាល់ ។
សូមបញ្ជាក់ផងដែរថាដោយសារទឹកភ្លៀងបានកើនឡើងជាបន្តបន្ទាប់បណ្តាលអោយមានផលប៉ះពាល់ដល់លំនៅដ្ឋាន ផលដំណាំ និងទ្រព្យសម្បត្តិប្រជាពលរដ្ឋមួយចំនួន។រហូតមកដល់ពេលនេះទឹកនៅតែបន្តឡើងជាបន្តបន្ទាប់ធ្វើអោយមានការព្រួយបារម្ភដែលជាហានិភ័យ សម្រាប់ប្រជាពលរដ្ឋដែលងាយរងគ្រោះ។
កងកម្លាំងអន្តរាគមន៍ របស់កងពលតូចថ្មើរជើងលេខ៥១ ដែលត្រៀមអន្តរាគមន៍ ក៏បានត្រៀមលក្ខណ:ប្រុងប្រៀបរួចជាស្រាច ២៤ម៉ោងលើ២៤ម៉ោងក្នុងការជួយអន្តរាគមន៍ សង្គ្រោះប្រជាពលរដ្ឋតាមសំណូមពរ របស់អាជ្ញាធរមូលដ្ឋាន។
លោកឧត្តមសេនីយ៍ត្រី សឹង្ហ ទុំ សូមអំពាវនាវដល់ពុកម៉ែបងប្អូនដែលរស់នៅជិតមាត់អូរតាមខ្សែបន្ទាត់ព្រំដែនកម្ពុជាថៃ សូមមានការប្រុងប្រយ័ត្នខ្ពស់ ចំពោះកូនតូចៗ និងសត្វអសិរពិស ដែលអាចបង្កគ្រោះថ្នាក់ដល់អាយុជីវិត៕
