(កំពង់ចាម) រដ្ឋបាលខេត្តកំពង់ចាម នៅថ្ងៃទី ២១ ខែកញ្ញា ឆ្នាំ២០២១ នេះ បានប្រារព្ធពិធីបិទយុទ្ធនាការចាក់វ៉ាក់សាំងកូវីដ-១៩ ជូនប្រជាពលរដ្ឋ ចាប់ពីអាយុ១២ ឆ្នាំឡើង ដែលពិធីនេះធ្វើឡើង នៅសាលាខេត្តកំពង់ចាម ក្រោមអធិបតី លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណ: កម្មការចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ។
អភិបាលខេត្តកំពង់ចាម ឯកឧត្តម អ៊ុន ចាន់ដា បានមានប្រសាសន៍ថា ជាលទ្ធផល នៃការអនុវត្តអនុវត្តតាមផែនការ យុទ្ធនាការចាក់វ៉ាក់សាំងបង្ការជម្ងឺកូវីដ-១៩ ជូន
ដល់ប្រជាពលរដ្ឋ ដែលមានអាយុចាប់ពី ១២ឆ្នាំឡើងបានចំនួន ៦៨៥.៦២៤នាក់ ស្មើនឹង ៨៤,៤២% នៃផែនការ ចំនួន ៨១២.១៣២នាក់ ក្នុងនោះ ៖
ទី១ ៖ប្រជាជនអាយុពី ១៨ឡើង ដែលត្រូវចាក់វ៉ាក់សាំង ចំនួន៧០១.៧៣៨នាក់ ក្នុងនោះ ប្រជាពលរដ្ឋចំណាកស្រុក ចំនួន ១០១.៨១៨ នាក់ ស្មើនឹង ១៤,៥០% អ្នកមានបញ្ហាសុខភាព ចំនួន៣៣. ៤១៣នាក់ ស្មើនឹង ៤,៧៦% ប្រជាពលរដ្ឋ ដែលត្រូវចាក់មាន ចំនួន ៥៧១.៩៧០នាក់-ប្រជាជនបានចាក់ដូស ទី១ហើយ_ចំនួន ៥៧៨.៥៨៧នាក់ ស្មើនឹង១០១,១៥% ធៀបនឹងប្រជាពលរដ្ឋ ដែលត្រូវចាក់ចំនួន ៥៧១.៩៧០នាក់។
ទី២ ៖ កុមារ និងយុវវ័យពី ១២ដល់ក្រោម ១៨ឆ្នាំ ដែលត្រូវចាក់វ៉ាក់សាំង ចំនួន ១១០.៣៩៤ នាក់ បានចាក់ដូសទី១ហើយ ចំនួន ១០៧.០៣៧នាក់ ស្មើនឹង ៩៦,៩៦% -មិនទាន់បានចាក់ដូសទី១ ចំនួន ៣.៣៥៧នាក់ ស្មើនឹង ៣,០៤% ផ្អែកតាមទិន្នន័យនេះ ខេត្តកំពង់ចាម ចាក់បាន នឹងនៅបន្តចាក់សម្រាប់ប្រជាពលរដ្ឋចំណូលស្រុក និងអ្នកមានសុខភាពប្រសើរឡើងវិញ។
ដោយពិនិត្យលើស្ថានភាពនេះ រដ្ឋបាលខេត្តកំពង់ចាមបានសម្រេចគោរពស្នើសុំបិទបញ្ចប់យុទ្ធនាការចាក់វ៉ាក់សាំងកូវីដ-១៩ ទូទាំងខេត្តកំពង់ចាម ត្រឹមថ្ងៃ
ទី១៩ ខែកញ្ញា ឆ្នាំ២០២១ និងស្នើសុំបើកដំណើរការកន្លែងចាក់វ៉ាក់សាំងកូវីដ-១៩ ជាអចិន្ត្រៃយ៍ នៅតាមមន្ទីរពេទ្យបង្អែកចំនួន០៩កន្លែង ដើម្បីឱ្យប្រជាពលរដ្ឋដែលពុំទាន់ទទួលបានការចាក់វ៉ាក់សាំងកូវីដ-១៩ មកទទួលយកសេវា ក្រោយពីបិទបញ្ចប់យុយុទ្ធនាកា ៕
