ខេត្តប៉ៃលិន៖បើយោងតាមលិខិតរបស់រដ្ឋបាលខេត្តប៉ៃលិន ចុះថ្ងៃទី១៧ ខែកញ្ញា ឆ្នាំ២០២១ បានឱ្យដឹងថា ៖ ដើម្បីរៀបចំទិវាសន្តិភាពអន្តរជាតិ លើកទី១៩ ឱ្យប្រព្រឹត្តទៅស្របតាមគោលបំណង សំណូមពរនៃអនុក្រឹត្យ សារាចរណែនាំ សេចក្តីសម្រេច និង ចូលរួមបដិបត្តិ តាមសេចក្តីណែនាំនានា សំដៅកាត់ផ្តាច់ និងទប់ស្កាត់ការឆ្លងរាលដាល នៃ«ព្រឹត្តិការណ៍សហគមន៍ ២០កុម្ភ:» ដែលជាជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរ គណ:កម្មាធិការរៀបចំបុណ្យជាតិ-អន្តរជាតិ ខេត្តប៉ៃលិន សូមធ្វើការណែនាំដូចខាងក្រោម ៖
– រដ្ឋបាលក្រុង ស្រុក ឃុំ សង្កាត់ រោងចក្រ សហគ្រាស គ្រប់មន្ទីរអង្គភាព គ្រឹះស្ថានរដ្ឋ និងឯកជនជុំវិញខេត្ត អង្គការសង្គមក្រៅរដ្ឋាភិបាល សង្គមស៊ីវិល ត្រូវបំផុសមន្រ្តីរាជការ បុគ្គលិក នយោជិត កម្មការ និយោជក យុទ្ធជន និងប្រជាពលរដ្ឋ ឱ្យយល់ដឹងទិវាសន្តិភាពអន្តរជាតិ ២១ កញ្ញា ជាទិវាគ្មានអំពើហិង្សា និងបញ្ឈប់ការផ្ទុះអាវុធទូទាំងសកលលោក ដោយត្រូវអនុវត្តនូវវិធានការការ ពារ នានារបស់ក្រសួងសុខាភិបាល គឺត្រូវពាក់ម៉ាស ធ្វើការវាសកម្តៅ រក្សាអនាម័យ លាងដៃជាមួយ សាប៊ូ ឬអាល់កុល ជែល និងរក្សាគម្លាតសុវត្ថិភាពសង្គម បុគ្គល និងត្រូវរៀបចំចងទង់ជាតិ ទង់សាសនា ទង់ព្រះមហាក្សត្រ បដាពាក្យស្លោក បំភ្លឺភ្លើងពណ៌ ឱ្យបានព្រមគ្នា ដើម្បីអបអរសាទរទិវានេះ ។
– មន្ទីរវប្បធម៌ និងវិចិត្រសិល្ប:ខេត្ត ត្រូវផលិតកម្មវិធីសូត្រកំនាព្យ ប្រគុំតន្រ្តីបុរាណ សម័យ ចាប៉ី អាយ៉ៃឆ្លើយឆ្លង ដែលមានខ្លឹមសារពាក់ព័ន្ធទៅនឹងសន្តិភាព ផ្សព្វផ្សាយតាមវិទ្យុទូរទស្សន៍រដ្ឋ និងឯកជន ។
– មន្ទីរធម្មការ និងសាសនាខេត្ត ត្រូវផលិតឱ្យមានកម្មវិធីយល់ដឹងអំពី អត្ថន័យទិវាសន្តិភាព ២១ កញ្ញា តាមរយ:ការសូត្រធម៌ សម្តែងធម្មទេសនា ផ្សព្វផ្សាយតាមវិទ្យុ និងទូរទស្សន៍ នូវមេ ត្តាធម៌ ចំពោះ មនុស្សសត្វទូទៅ និងសុំសេចក្តីសុខសន្តិភាព សម្រាប់មនុស្សជាតិនៅលើពិភពលោក ណែនាំគ្រប់វត្តអារាម ឱ្យតុបតែងលម្អ ដោយទង់ជាតិ ។
ចំណែកមន្ទីរអប់រំយុវជន និងកីឡាខេត្ត ត្រូវ បំផុសលោកគ្រូ អ្នកគ្រូ សាស្រ្តាចារ្យ ពន្យល់សិស្ស និស្សិតឱ្យយល់ដឹងពីស្មារតី ទិវាសន្តិភាពអន្តរជាតិ ។
– ស្នងការនគរបាលខេត្ត មេបញ្ជាការកងរាជអាវុធហត្ថខេត្ត និងមេ បញ្ជាការតំបន់ប្រតិបត្តិការសឹករងប៉ៃលិន ត្រូវការពាររក្សាសន្តិសុខ របៀបរៀបរយ សណ្តាប់ធ្នាប់ស ង្គម ចរាចរណ៍ បម្រើការរៀបចំ ទិវាសន្តិភាពអន្តរជាតិ ធានាបានសេចក្តីសុខក្សេមក្សាន្ត ជូនប្រជា ពលរដ្ឋ ៕
