ខេត្តបន្ទាយមានជ័យ៖នៅរសៀលថ្ងៃទី១៧ ខែកញ្ញា ឆ្នាំ២០២១នេះ រដ្ឋបាលក្រុងប៉ោយប៉ែត ដឹកនាំដោយលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បាននាំយក ទេយ្យទាន ទេយ្យវត្ថុ និងបច្ច័យមួយចំនួន របស់ឯកឧត្តមនាយឧត្តមសេនីយ៍ ឧបនាយករដ្ឋមន្ត្រី កែ គឺមយ៉ាន សមាជិកគណ:ឣចិន្ត្រៃយ៍គណ:កម្មាធិការកណ្តាល ប្រធានក្រុមការងារគណបក្សប្រជាជនកម្ពុជា ចុះជួយខេត្តបន្ទាយមានជ័យ និងលោកជំទាវឧកញ៉ា ហេមចិត្តា ឣគ្គមហាឧបាសិកាពុទ្ធសាសនូបត្ថម្ភក៍ ម៉ៅ ម៉ាល័យ ប្រគេនដល់ព្រះសង្ឃទូរទាំងក្រុងប៉ោយប៉ែត ក្នុងឱកាសបុណ្យកាន់បិណ្ឌនាថ្ងៃខាងមុខនេះ។
សូមជំរាបផងដែរថា នៅក្រុងប៉ោយប៉ែត មានចំនួន៣សង្កាត់ រួមមាន សង្កាត់ប៉ោយប៉ែត សង្កាត់ផ្សារកណ្តាល និងសង្កាត់និមិត្ត ដោយមានវត្តអារាមសរុបចំនួន២១វត្ត និងព្រះសង្ឃចំនួន៤២៦អង្គ។
ទេយ្យទាន ទេយ្យវត្ថុ ដែលត្រូវបានរដ្ឋបាលក្រុងប៉ោយប៉ែត ដឹកជញ្ជូនយកទៅប្រគេនដល់ព្រះសង្ឃនៅតាមវត្តចំនួន២១វត្ត នៅទូរទាំងក្រុងប៉ោយប៉ែតនៅរសៀលនេះក្នុងមួយវត្តៗទទួលបាន អង្ករ , មី , ត្រី ខ , ទឹកបរិសុទ្ធវីតាល , ទឹកក្រូច , ទឹក ស៊ីអ៊ីវ , ទឹក ត្រី ,ម៉ាស់ និងថវិការមួយចំនួនផងដែរ។
នាឱកាសនោះដែរលោក គាត ហ៊ុល អភិបាលក្រុង បានថ្លែងអគុណចំពោះឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឺមយ៉ាន និងលោកជំទាវឧកញ៉ា ហេមចិត្តា ឣគ្គមហាឧបាសិកាពុទ្ធសាសនូបត្ថម្ភក៍ ម៉ៅ ម៉ាល័យ ដែលតែងតែយកចិត្តទុកដាក់ និងគិតគួរពីសុខទុកប្រជាពលរដ្ឋ ទូទាំងខេត្តបន្ទាយមានជ័យ ពិសេសព្រះសង្ឃ ជាស្តែងនៅថ្ងៃនេះឯកឧត្តម និងលោកជំទាវ បានផ្តល់ទេយ្យទាន ទេយ្យវត្ថុ និងបច្ច័យមួយចំនួន ដល់វត្តអារាម នៅក្នុងភូមិសាស្ត្រខេត្តបន្ទាយមានជ័យទាំងមូល ក្នុងឱកាសបុណ្យកាន់បិណ្ឌនាថ្ងៃខាងមុខនេះ៕
