ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ រួមជាមួយឯកឧត្តម ខេង ស៊ុម ប្រធានក្រុមប្រឹក្សាខេត្ត បានជួបសំណេះសំណាលនិងផ្តល់អំណោយជូនដល់កងកម្លាំងកងទ័ពដឹកជញ្ជូនដែលបានចូលរួមប្រតិបត្តិការដឹកជញ្ជូនបងប្អូនប្រជាពលរដ្ឋពីព្រំដែន មកកាន់កន្លែងធ្វើចត្តាឡីស័ក ក្នុងខេត្តបន្ទាយមានជ័យ ក្នុងដំណាក់កាលដ៍លំបាកនៃការរីករាលដាលជំងឺកូវីដ១៩ ។
ឯកឧត្តមបានថ្លែងអំណគុណ និងកោតសរសើរចំពោះស្មារតី នៃការចូលរួមទាំងយប់ថ្ងៃ របស់កងដឹកជញ្ជូនកងទ័ពជើងគោក ក្នុងការដឹកជញ្ជូនបងប្អូនប្រជាពលរដ្ឋពីព្រំដែន មកកាន់មណ្ឌលចត្តាឡីស័ក ប្រកបដោយជោគជ័យ សុវត្ថិភាពខ្ពស់ តាមបទបញ្ជារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
សូមជូនពរដល់កងកម្លាំងកងទ័ពទាំងអស់ប្រកបដោយសុខភាពល្អ
ជោគជ័យគ្រប់បេសកម្មការងារជូនជាតិ និងប្រជាជន។
ជាមួយគ្នានេះ ក្នុងនាមរដ្ឋបាលខេត្ត បានផ្តល់អំណោយដល់កងកម្លាំងកងដឹកជញ្ជូនចំនួន ២០នាក់ ក្នុង១នាក់ ទទួលបាន អង្ករ ២៥គីឡូក្រាម មីកេស ទឹកស៊ីអុីវ១យួរ ទឹកត្រី១យួរ ត្រីខ១ដុំ និងថវិកា ១០០ ០០០រៀល ៕
