(បាត់ដំបង)÷ថ្ងៃអាទិត្យ ៨កើត ខែ ចែត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២១ ខែមីនាឆ្នាំ២០២១ តាមការឲ្យដឹងរបស់នគរបាលស្រុកថ្មគោលដឹងថា÷កើតហេតុនៅវេលាម៉ោង ១៤:០០នាទី នៅចំណុចស្រះទឹកក្រុមទី៤៨ ភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង។
I.សាកសពឈ្មោះ តូ ផា ភេទប្រុស អាយុ៥៦ឆ្នាំ ស្នាក់នៅភូមិតាសី ឃុំតាម៉ឺន ស្រុកថ្មគោល ខេត្តបាត់ដំបង។
តាមការបំភ្លឺឈ្មោះធឹង អៀប ភេទស្រី អាយុ២៨ឆ្នាំ (កូនប្រសារ)នៅភូមិតាសី បានបំភ្លឺថានៅថ្ងៃទី២១-០៣-២០២១ វេលាម៉ោងប្រហែល ១៣:០០នាទី ខ្លួនបានឃើញ ឪពុកក្មេកឈ្មោះតូ ផា អាយុ៥៦ឆ្នាំនិងចៅប្រុសគាត់ឈ្មោះបឿន ជីញ អាយុ៧ឆ្នាំ ចុះមុជទឹកស្រះ ហើយខ្លួនកំពុងបំប៉ៅកូនអោយដេកក្រោមដើមស្វាយក្បែរស្រះ បានមួយសន្ទុះ ស្រាប់តែលឺសម្លេងទះទឹកក្ដុងក្ដាំងនៅក្នុងស្រះ ខ្លួនមើលឃើញឪពុកក្មេករុញចៅគាត់ហើយគាត់លិចក្នុងទឹកបាត់ហើយ ភ្លាមនោះខ្លនបានស្រែកហៅប្ដីអោយមកជួយស្រង់ ព្រោះខ្លួនមិនចេះហែលទឹក ក្រោយមកប្ដីខ្លួនបានចុះស្រង់បានតែឈ្មោះជីញ(នៅរស់) ហើយគាត់លិចក្នុងទឹកបាត់ ប្រហែល១០នាទី ក៏រាវឃើញគាត់ស្លាប់តែម្ដង។
មូលហេតុ ចុះមុជទឹកជាមួយចៅ ហើយចៅលង់ទឹកឈ្មោះតូ ផា ភេទប្រុស អាយុ៥៦ឆ្នាំ សង្គ្រោះចៅប្រុសឈ្មោះបឿន ជីញ អាយុ៧ឆ្នាំ បណ្ដាលអោយលង់ទឹកស្លាប់ខ្លួនឯង។
មន្រ្តីជំនាញបានប្រគល់សាកសពអោយក្រុមគ្រួសារយកធ្វើបុណ្យតាមប្រពៃណី ៕
