(ភ្នំពេញ)៖រសៀលថ្ងៃទី២៥ ខែមករា ឆ្នាំ២០២១នេះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជា អញ្ជើញជាអធិបតីពិធីបិទការប្រកួតកីឡាបាល់ទះមិត្តភាព អបអរសាទរទិវាជ័យជម្នះ ៧មករា ខួបលើកទី៤២ (១៩៧៩-២០២១) នៅពហុកីឡដ្ឋានព្រីនស៍ ( ហ្គេនភ្នំពេញ)។
ពិធីនេះក៏មានការអញ្ជើញចូលរួមពីសំណាក់ ឯកឧត្តម ស សុខា រដ្ឋលេខាធិការក្រសួងអប់រំយុវជន និងកីឡា និងជាអនុប្រធានសហព័ន្ធកីឡាបាល់ទះកម្ពុជា។
ឆ្លងកាត់ការប្រកួតយ៉ាងស្វិតស្វាញ អស់រយៈពេល ៥ថ្ងៃ ចាប់ពីថ្ងៃទី២០ ដល់ថ្ងៃទី២៥ ខែមករា ឆ្នាំ២០២១ នេះ រវាងក្រុមបាល់ទះវិសាខា ក្រុមបាល់ទះក្រសួងមហាផ្ទៃ ក្រុមបាល់ទះស្នងការដ្ឋាននគរបាលរាជធានីភ្នំពេញ ក្រុមបាល់ទះបញ្ជាការដ្ឋានអង្គរក្ស និងក្រុមបាល់ទះកងពលធំអន្តរាគមន៍លេខ៣ ជាលទ្ធផលជ័យលាភីជើងឯកលេខ១ បានទៅលើក្លិបកីឡាបាល់ទះ វិសាខា៕
