ខេត្តប៉ៃលិន ៖ កាលពីវេលាម៉ោង៣ និង០០ នាទីរសៀល ថ្ងៃចន្ទ ១៤កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែធ្នូ ឆ្នាំ២០២០ គណៈកម្មាធិការសាខាកាកបាទក្រហមកម្ពុជាខេត្តប៉ៃលិន បានរៀបចំកិច្ចប្រជុំស្តីពីកិច្ចការងារទូទៅរបស់ខ្លួន និងផែនការអភិវឌ្ឍន៍ សម្រាប់ឆ្នាំ២០២១ ក្រោមអធិបតីភាព លោកជំទាវ ពៅ សុខ អនុប្រធានអចិន្ត្រៃយ៍នៃគណៈកម្មាធិការសាខាកាកបាទក្រហមកម្ពុជា ខេត្តប៉ៃលិន ដែលមានវត្តមានចូលរួមក្នុងកិច្ចប្រជុំរួមមាន ៖ សមាជិក សមាជិកា គណ:កម្មាធិការសាខា កាកបាទក្រហមខេត្ត និង ប្រធាន អនុប្រធាន គណ:កម្មាធិការអនុសាខា ក្រុង/ស្រុក និងមន្ត្រីប្រតិបត្តិសាខា សរុបចំនួន១៨នាក់ (ស្រី ៩នាក់) ។
របៀបវារៈប្រជុំរួមមាន ៖
១- ការងារអនុវត្តន៍រយៈពេល១ឆ្នាំ និងទិសដៅការងារសម្រាប់ឆ្នាំ២០២១ ដូចមានក្នុងរបាយការណ៍ជូនភ្ជាប់ ។
២- ពិភាក្សាលើចំណុចខ្លាំង ខ្សោយ និងមតិកែលំអរជំរុញអោយការអនុវត្តបានរលូនលើវិស័យស្នូលទាំង៤ ។
៣- បញ្ហាផ្សេងៗ
៤- ប្រសាសន៍បូកសរុបរបស់លោកជំទាវអង្គប្រជុំ គឺសម្រេចបានល្អប្រសើរ ។
កម្មវិធីបានបញ្ចប់ត្រឹមម៉ោង ៤ និង ១៥ នាទី រសៀលនាថ្ងៃខែឆ្នាំដដែល ដោយស្មារតីសាមគ្គីភាព ឯកភាពផ្ទៃក្នុងល្អប្រសើរ ៕
