ទាន់ហេតុការណ៍
នគរបាលឆ្មក់បង្ក្រាបទីតាំង KTV មួយកន្លែងនៅស្រុកភ្នំស្រួច សមត្ថកិច្ចជួយសង្គ្រោះនារីបម្រើសេវា ១០នាក់ ក្នុងនោះមានអនីតិជន ៦នាក់ និងឃាត់ខ្លួនមនុស្ស ៣នាក់==>ក្នុងពេលបំពេញទស្សនកិច្ចនាយករដ្ឋមន្ត្រីកាណាដា នឹងចុះហត្ថលេខា លើកិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយកម្ពុជា==>អតីតពលករមកពីថៃ និងពលរដ្ឋជាង១ម៉ឺន៣ពាន់នាក់ បានធ្វើតេស្តទទួលស្គាល់ជំនាញ==>យោធាតំបន់​ប្រតិបត្តិការ​សឹក​រង​ខេត្តកំពង់ធំ បង្ក្រាប​ឧបករណ៍​នេសាទ​ របាំង​ស្បៃ​មុង​ប្រវែង​ជាង​ ១,២០០​ ម៉ែត្រ​​ ដែល​នៅ​តែ​ដាក់​បំពាន​រំលោភ​ច្បាប់ ​ស្ដីពី​ពីជលផល​នៅ​ក្នុង​ភូមិ​សាស្ត្រ​ ឃុំ​សំព្រោច​ ស្រុក​ស្ទោង​==>ពិតមិនធម្មតាថវិកាចំណាយផ្នែកសំណង់ មន្ទីរកសិកម្មខេត្តព្រៃវែង ដោយក្នុង១ឆ្នាំៗខ្ទង់១០០០លានរៀល ១០ឆ្នាំគឺលើស២លានដុល្លា លទ្ធកម្មចាត់ចែងដោយលោកប្រធានមន្ទីរ អ៊ុក សំណាង តើតម្លៃនេះបើប្រៀបធៀបសំណង់នៅតាមបុរី ខុសគ្នាយ៉ាងណា..?==>ឯកឧត្ដមអភិសន្តិបណ្ឌិតឧបនាយករដ្ឋមន្ត្រី ស សុខា ដាក់ឱ្យដំណើរការសាខាលិខិតឆ្លងដែន ប្រចាំខេត្តព្រះសីហនុ នៅអគារផ្សារទំនើប ដាយអ៉ឺមេន ផ្លាហ្សា==>អធិការកិច្ច​ជលផល៖បង្ក្រាប​បទល្មើស​នាំ​ចូល​ត្រី​ប្រាចំនួន​១៨​តោន ជនសង្ស័យ​២​នាក់ បាន​រត់គេច​ខ្លួន​ចូល​ព្រៃ==>ឧត្តមសេនីយ៍ឯក រ័ត្ន ស្រ៊ាង នាំយកទៀនព្រះវស្សា និងទេយ្យវត្ថុប្រគេនព្រះសង្ឃគង់ចាំព្រះវស្សា នៅវត្តកែវមុនី ក្នុងសង្កាត់ព្រែកកំពឹស==>តុលាការផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព==>ផ្តន្ទាទោសអ្នកស្រី ធី សុវណ្ណថា និងប្តីដាក់ពន្ធនាគារកំណត់ម្នាក់៣ឆ្នាំ ករណីធ្វើឲ្យខូចទឹកចិត្តកងទ័ព

​ប្រកាសតែងតាំង​ប្រធាន​មន្ទីរ​បរិស្ថាន​ថ្មី ខេត្ត​ព្រះវិហារ ក្រោមអធិបតីភាព​ ឯកឧត្តម សូ​ខន ឫទ្ធី​គុណ រដ្ឋលេខាធិការ​ក្រសួង​បរិស្ថាន តំណាង​ឯកឧត្តម សាយ សំ​អាល់ រដ្ឋមន្ត្រី​ក្រសួង​បរិស្ថាន

​ដោយ ៖ គេហទំព័រ «ស៊ី អេច ខេ ញូស៍ | CHK News»
Tel: 012 790 894 | Telegram / WhatsApp : 012 790 894

(​ព្រះវិហារ​)៖ ប្រធាន​មន្ទីរ​បរិស្ថាន​ថ្មី ខេត្ត​ព្រះវិហារ ត្រូវបាន​ប្រកាស​ចូល​កាន់​តំណែង​ហើយ នៅ​ព្រឹក​ថ្ងៃទី​២៨ ខែ​ធ្នូ ឆ្នាំ​២០២០​នេះ ដោយ​លោក សុង ច័ន្ទ​សុជាតិ អតីត​អនុប្រធាន​មន្ទីរ​បរិស្ថាន​ខេត្ត ត្រូវបាន​តែងតាំង​ជា​ប្រធាន​មន្ទីរ​បរិស្ថាន​ថ្មី ខេត្ត​ព្រះវិហារ ជំនួស​លោក អ៊ា សុខា ដែល​ត្រូវ​ផ្ទេរ​ភារកិច្ច​ទៅ​បម្រើការ​នៅ​ក្រសួង​បរិស្ថាន​។​

​ពិធី​នេះ​ស្ថិតក្រោម​វត្តមាន​ឯកឧត្តម សូ​ខន ឫទ្ធី​គុណ រដ្ឋលេខាធិការ​ក្រសួង​បរិស្ថាន តំណាង​ឯកឧត្តម សាយ សំ​អាល់ រដ្ឋមន្ត្រី​ក្រសួង​បរិស្ថាន និង​ឯកឧត្តម ឡុង សុវណ្ណ ប្រធាន​ក្រុមប្រឹក្សា​ខេត្ត​ព្រះវិហារ​, ឯកឧត្តម ប្រាក់ សុវណ្ណ អភិបាល​ខេត្ត​ព្រះវិហារ ដោយ​មាន​ការចូលរួម​ពី​ថ្នាក់ដឹកនាំ​ខេត្ត មន្ត្រីរាជការ តាម​មន្ទីរ អង្គភាព លោក​អភិបាលស្រុក ក្រុង ជាច្រើនរូប​ទៀត​។​

​នៅក្នុង​ឱកាស​នោះ​ដែរ ឯកឧត្តម សូ​ខន ឫទ្ធី​គុណ បាន​ថ្លែងថា ក្នុង​រយៈពេល​ជាង​២​ទស្ស​វត្ត​ន៍​កន្លងមកនេះ ប្រទេស​កម្ពុជា មាន​សុខសន្តិភាព​ពេញលេញ មាន​ស្ថិរភាព​នយោបាយ​ល្អប្រសើរ តាមរយៈ​ការអនុវត្តន៍​គោល​នយោបាយ​ឈ្នះ​-​ឈ្នះ ក្រោម​មាគ៌ា​ដឹកនាំ​ដ៏​ត្រឹមត្រូវ​របស់​រាជរដ្ឋាភិបាល​កម្ពុជា ក្រោម​ការដឹកនាំ​របស់​សម្តេច​តេជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​ធ្វើឱ្យ​កម្ពុជា​ជម្នះ​បាន​ការលំបាក គ្រប់គ្រង​បាន​ទាំង​ស្ថានភាព​នយោបាយ សេដ្ឋកិច្ច និង​សង្គម ជាពិសេស​ទប់ទល់​បាន​នូវ​ការឆ្លង​រាលដាល​នៃ​ជំងឺ​កូវី​ដ​-១៩​។​
​
រដ្ឋលេខាធិការ​រូបនេះ បាន​បន្តថា កត្តា​សុខសន្តិភាព និង​ស្ថិរភាព​នយោបាយ ពិតជា​មាន​សារៈសំខាន់​ខ្លាំងក្លា​បំផុត នៅ​ការជំរុញឱ្យ​កម្ពុជា​មាន​លទ្ធភាព ក្នុង​ការអនុវត្តន៍​លើ​គ្រប់​វិស័យ ទាំង​សេដ្ឋកិច្ច ទាំង​សង្គម ទាំង​សុវត្ថិភាព​សាធារណ​នៅ​ទូទាំង​ប្រទេស​កម្ពុជា​។ ជាពិសេស​ការកសាង​សេដ្ឋកិច្ច​ជាតិ​នៅ​កម្ពុជា មាន​ការទទួលស្គាល់ និង​សារ​ទរ​ពី​បណ្តា​ប្រទេស នៅក្នុង​តំបន់​អាស៊ីអាគ្នេយ៍ ដោយ​សម្រេចបាន​នៅ​ការកសាង​សេដ្ឋកិច្ច មាន​កំណើន​ស្ថិតស្ថេរ​ជាប្រចាំ ក្នុង​រយៈពេល ២​ទស្ស​វត្ត​ន៍​មកនេះ គឺ​៧% ក្នុង​មួយ​ឆ្នាំ​។​
​
ក្នុងនាម​ក្រសួង​បរិស្ថាន ឯកឧត្តម សូ​ខន ឫទ្ធិ​គុណ ក៏​បាន​ថ្លែង​នូវ​ការចូលរួម​អបអរ​សារ​ទរ ចំពោះ​លោក លោកស្រី ជា​ថ្នាក់ដឹកនាំ​មន្ទីរ​បរិស្ថាន ក៏​ដូច​ជា​មន្ត្រី​បរិស្ថាន​ទាំងអស់ ដែល​បាន​ធ្វើការ​តែងតាំង​ថ្មី​ហើយ ប្រកាស​ឱ្យ​ចូល​កាន់​មុខ​តំណែង​នៅ​ថ្ងៃនេះ ត្រូវខិតខំ​អនុវត្តន៍​តួនាទី​ភារកិច្ច​របស់​ខ្លួន អោយ​កាន់តែ​ទទួលបាន​លទ្ធផល​ល្អ​ប្រសើរ​ថែម​ទៀត​។​

​ដោយឡែក​ឯកឧត្តម ប្រាក់ សុវណ្ណ អភិបាល​ខេត្ត​ព្រះវិហារ បាន​ណែនាំ​ឱ្យ​ប្រធាន​មន្ទីរ​បរិស្ថាន​ថ្មី ត្រូវ​ពង្រឹងស្មារតី​សាមគ្គីភាព ឯកភាព​ផ្ទៃក្នុង​ឱ្យបាន​ល្អ ចូលរួមចំណែក​ឱ្យ​បាន​សកម្ម​ក្នុង​ការអនុវត្តន៍​គោលនយោបាយ​វិមជ្ឈការ និង​សហវិមជ្ឈការ​ក្នុង​ការអនុវត្តន៍ នៅ​រដ្ឋបាល​ថ្នាក់ក្រោម​ជាតិ ត្រូវ​ពង្រឹង​សហប្រតិបត្តិការ​ជាមួយ​មន្ទីរ អង្គភាព​ជុំវិញ​ខេត្ត ត្រូវ​គ្រប់គ្រង តាមដាន ស្រាវជ្រាវ និង​ពង្រឹង​កិច្ច​ការងារ​ការពារ​តំបន់ការពារធម្មជាតិ ត្រូវ​បន្ត​លើកកម្ពស់​សុខភាព​សាធារណៈ ទប់ស្កាត់ និង​កាត់បន្ថយ​ការបំពុល​បរិស្ថាន និង​ត្រូវ​បន្ត​លើកកម្ពស់​ចំណេះដឹង​លើ​វិសយ័​បរិស្ថាន ជូន​ដល់​សាធារណជន ដើម្បី​បង្កើន​នូវ​ប្រតិបត្តិ​ករ​បរិស្ថាន​ល្អ និង​លើកទឹកចិត្ត​មេត្រីភាព​បរិស្ថាន​៕
​

 

Filed in: ព័ត៌មានជាតិ