(ខេត្តប៉ៃលិន) ដើម្បីពង្រឹងសន្តិសុខ បទល្មើសជូញដូរ ការឆ្លងដែនខុសច្បាប់ និងការទប់ស្កាត់ការឆ្លងចូលវីរុសកូវីដ~១៩ ដោយមិនបានធ្វើចត្តាឡីស័ក នៅរាត្រីថ្ងៃទី២៧ ខែធ្នូ ឆ្នាំ២០២០ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន អមដំណើរដោយលោកស្នងការនរគបាលខេត្ត លោកមេបញ្ជាការប្រចាំទិស លោកមេបញ្ជាការតំបន់ប្រតិបត្តិការសឹករងខេត្ត បានអញ្ជើញដឹកនាំកងកម្លាំងគណៈបញ្ជាការឯកភាពខេត្ត ចុះត្រួតពិនិត្យសភាពការព្រំដែន តាមច្រករបៀងតូចៗ តាមបន្ទាត់ព្រំដែនកម្ពុជា~ថៃ ។
ក្នុងការចុះត្រួតពិនិត្យតាមច្រកនីមួយៗផ្ទាល់ លោកជំទាវអភិបាលខេត្តនិងក្នុងនាមជាគណ:កងឯកភាពចេត្ត បានស្នើទៅមេបញ្ជាការគ្រប់អង្គភាពដែលកំពុងឈរជើងនៅទីនោះ អោយដាក់កងកម្លាំងការពារអោយបានគ្រប់គ្រាន់។
ដោយឈរលើស្មារតីការពារនិងទទួលខុសត្រូវអោយបានខ្ពស់ ចៀសវាងឃុបឃិតជាមួយជនទុច្ចរឹតប្រព្រឹត្តិបទល្មើសផ្សេងៗប្រាសចាកពីនីតិរដ្ឋ ពិសេសបើមានពលករខ្មែរឆ្លងដែនតាមច្រករបៀងណាមួយក៏ដោយ ត្រូវរាយការណ៍ជូនប្រធានអង្គភាព និងក្រុមការងារគ្រូពេទ្យជំនាញប្រចាំការ ដើម្បីរៀបចំបញ្ជូនពួកគាត់ទៅមណ្ឌលចត្តាឡីស័ក ដែលលោកជំទាវអភិបាលខេត្តបានរៀបចំរួចជាស្រេច៕
