ខេត្តកែប ៖ នៅព្រឹកថ្ងៃទី ២៣ ខែធ្នូ ឆ្នាំ២០២០ លោក វ៉ៅ សុខា អភិបាលរងខេត្ត ដឹកនាំក្រុមការងារជំនាញ ដើម្បីប្រជុំពិភាក្សា និងដោះស្រាយករណីទំនាស់ដីធ្លី នីភូមិភ្នំលាវ និងភូមិរនេស ឃុំពងទឹក ស្រុកដំណាក់ចង្អើរ ខេត្តកែប ដែលជាទំនាស់មានរយៈពេលយូណាស់មកហើយ ។
លោក វ៉ៅ សុខា អភិបាលរងខេត្ត និងជាប្រធានអង្គប្រជុំ បានថ្លែងអំណរគុណដល់ក្រុមការងារ ដែលបានចូលរួមពិភាក្សាដោះស្រាយបញ្ហាដីធ្លីនាពេលនេះ លោកបានបញ្ជាក់ថា បញ្ហាដីធ្លីនេះ គឺជារឿងរ៉ាវយូរយាណាស់មកហើយ មិនមែនទើបតែកើតឡើងថ្មីៗនេះទេ ដូច្នេះដើម្បីឲ្យបញ្ហាទំនាស់ដីធ្លី ដោះស្រាយទៅបានរលូន លោកបាន ស្នើអោយលោកស្រីអភិបាលស្រុក ក្រុង ជាពិសេស អភិបាលស្រុកដំណាក់ចង្អើរ និងមន្ត្រីជំនាញ ត្រូវពង្រឹងការគ្រប់គ្រងដីធ្លី ក្នុងសមត្ថកិច្ច របស់ខ្លួន និងពង្រឹងកិច្ចការត្រួតពិនិត្យការងារនេះឡើងវិញ និងត្រូវសហការ ជាមួយមន្ទីរជំនាញ ក្នុងការចុះធ្វើបច្ចុប្បន្នភាព ជាពិសេសត្រូវស្វែងរក មុខសញ្ញាជនខិលខូច កុំអោយធ្វើសកម្មភាពល្មើសច្បាប់នេះតទៅទៀត។
ក្រោយពីការពិភាក្សាយ៉ាងម៉ត់ចត់ លោក វ៉ៅ សុខា ដឹកនាំក្រុមការងារទៅពិនិត្យ ជាក់ស្តែងដល់កន្លែង ទំនាស់ដីធ្លីជាក់ស្តែង ដើម្បីងាយស្រួលដោះស្រាយឲ្យបានឆាប់រហ័ស និងទាន់ពេលវេលា៕
