(ខេត្តកែប)៖ បន្ទាប់ពីធ្វើការតាមដានស្រាវជ្រាវមួយអស់រយៈមកនេះ សមត្ថកិច្ចនគរបាលនៃស្នងការដ្ឋានខេត្តកែបបានកំណត់មុខសញ្ញា រួចឃាត់ខ្លួនជនសង្ស័យដែលបានបង្កើតគណនីហ្វេសប៊ុកក្លែងក្លាយ ហើយជេរប្រមាថថ្នាក់ដឹកនាំជាច្រើនរូបនោះ រួចនាំខ្លួនទៅសាកសួរនៅស្នងការដ្ឋាននគរបាលខេត្តកែប។
ប្រតិបត្តិការនេះបានធ្វើឡើងនៅព្រឹកថ្ងៃទី១៥ ខែធ្នូ ឆ្នាំ២០២០ ក្នុងទឹកទឹកដីភូមិកែប សង្កាត់កែប ក្រុងកែប ខេត្តកែប។
ជុំវិញករណីនេះ សមត្ថកិច្ចបានប្រាប់ឱ្យដឹងថា ជនសង្ស័យក្នុងករណីនេះឈ្មោះ ងិន ស៊ុយទ្រី ភេទប្រុស អាយុ ២៦ឆ្នាំ រស់នៅភូមិកែប សង្កាត់កែប ក្រុង/ខេត្តកែប។
នៅសៀលនេះ សមត្ថកិច្ចជំនាញកំពុងសាកសួរជនសង្ស័យនៅស្នងការដ្ឋាននគរបាលខេត្តកែបដើម្បីមានវិធានការបន្តតាមនីតិវិធី៕ សេង ណារិទ្ធ
