បាត់ដំបង ៖ ថ្ងៃព្រហស្បតិ៍ ៤កើត ខែ មិគសិរ ឆ្នាំជូត ទោស័ក ព.ស ២៥៦៤ ត្រូវថ្ងៃទី ១៩ ខែវិច្ឆិកា ឆ្នាំ 2020 វេលាម៉ោង 07:30នាទីព្រឹក កើតករណីអគ្គិភ័យ បណ្តាលឲ្យឆេះផ្ទះ01ខ្នង (ផ្ទះទៀម ខូចខាតទាំងស្រុង) ទំហំ 8មx15ម ស្ថិតនៅក្នុងចំណុចក្រុមទី 01 ភូមិចំការឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។
ផ្ទះមានជញ្ជាំងថ្ម ដំបូលស័ង្កសី របស់ម្ចាស់ឈ្មោះ ពិន សម្បតិ្ត ភេទស្រី អាយុ 67ឆ្នាំ រស់នៅទីកន្លែងកើតហេតុខាងលើ។
ក្រោយពេលកើតហេតុភ្លាមៗនោះ កម្លាំងជំនាញបានចេញរថយន្តពន្លត់អគ្គិភ័យ ចំនួន 05គ្រឿង (រថយន្តរបស់ស្រុកសង្កែ 01 គ្រឿង រថយន្តប្រេងសូគីមិច 01គ្រឿង )
និងប្រើប្រាស់ទឹកអស់ចំនួន 06ឡានផង។
សមត្ថកិច្ចមិនទាន់អាចសន្និដ្ឋានថា ហេតុការណ៍បណ្តាលមកពីអ្វីនៅឡើយ ។ ទោះជាយ៉ាងណាក៏ដោយ មិនមនុស្សរងគ្រោះនៅក្នុងគ្រោះអគ្គីភ័យនេះទេ ៕
