នៅថ្ងៃទី១៧ ខែវិច្ឆិកា ឆ្នាំ២០២០ វេលាម៉ោង០៣ម៉៣០នាទី កម្លាំងជំនាញផ្នែកយុត្តិធម៌ នៃអធិការដ្ឋាន និងប៉ុស្តិ៍នគរបាលរដ្ឋបាលស្រះចក បានធ្វើការឃាត់ខ្លួនជនសង្ស័យចំនួន០១នាក់ ពីបទ៖លួចទូរស័ព្ទដៃ ប្រព្រឹត្តិនៅចំណុចក្នុងបន្ទប់លេខ2អាគារសម្ភពមន្ទីរពេទ្យកាល់ម៉ែត្រ ផ្លូវ៩៣ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ នៅថ្ងៃទី១៧ ខែវិច្ឆិកា ឆ្នាំ២០២០ វេលាម៉ោង០២ម៉៣០នាទី។
ជនសង្ស័យឈ្មោះ ព្រាប វុទ្ធី ភេទប្រុស អាយុ២៦ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។
ជនរងគ្រោះ ឈ្មោះ លី យ៉ារិន ភេទប្រុស អាយុ៣៩ឆ្នាំ ជនជាតិខ្មែរ មុខរបរយោធា ទីលំនៅផ្ទះ. ផ្លូវ៣៨០ ភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ។
រឿងហេតុកើតឡើងកាលពី១៧ ខែវិច្ឆិកា ឆ្នាំ២០២០ វេលាម៉ោងប្រហែល០២ម៉៣០នាទីជនសង្ស័យបានធ្វើសកម្មភាពលួចទូរស័ព្ទដៃពីជនរងគ្រោះកំពុងដេកចាំសំរាលកូននៅក្នុងបន្ទប់លេខ២អាគារសម្ភពមន្ទីរពេទ្យកាល់ម៉ែត្រ ផ្លូវ៩៣ សង្កាត់ស្រះចក ខណ្ឌដូនពេញ រាជធានីភ្នំពេញ ភ្លាមនោះត្រូវបានប្តីរបស់ជនរងគ្រោះឃើញទាន់ក៏ឃាត់បានខ្លួនជនសង្ស័យរួមនឹងវត្ថុតាង យកមកប្រគល់ឲ្យសមត្ថកិច្ចធ្វើការសាកសួរនៅប៉ុស្តិ៍នគរបាលរដ្ឋបាលស្រះចកតែម្តង។
ក្រោយពីសាកសួរជនសង្ស័យបានសារភាពថា ខ្លួនពិតជាបានធ្វើសកម្មភាពលួចទូរស័ព្ទដៃជនរងគ្រោះប្រាកដមែន។
ចំពោះមុខ កំលាំងជំនាញខណ្ឌ ប៉ុសិ៍្ត កំពុងបន្តការស្រាវជ្រាវរកបក្ខពួកនិងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
