កែប៖ ទិវាបុណ្យ ឯករាជ្យជាតិ ខួបលើកទី៦៧ បានរៀបចំ ប្រារព្ធធ្វើឡើង យ៉ាងមហោឡារិក នៅបរិវេណ វិមានឯករាជ្យ ក្នុងខេត្តកែប នាព្រឹកថ្ងៃទី៩ ខែវិច្ឆិកា ឆ្នាំ ២០២០ នេះ ក្រោមអធិបតី ដ៍ខ្ពង់ខ្ពស់ ឯកឧត្តម សោម ពិសិដ្ឋ អភិបាលនៃគណៈ អភិបាល ខេត្តកែប ។
ក្នុងពិធីនេះ មានការអញ្ជើញ ចូលរួម ពីសំ ណាក់ ប្រជាពលរដ្ឋ មន្ត្រីរាជការ កងកម្លាំ ង ប្រដាប់អាវុធ យុវជន សិស្សនិស្សិត ក្រុមយុវជន កាយឬទ្ធិ និងយុវជនកាក បាទក្រហម បានចូលរួម អបអរសាទរ ទិវាឯករាជ្យជាតិយ៉ាងច្រើនកុះករ។
ឯកឧត្តម អភិបាលខេត្ត បានមានប្រសា សន៍ថា ថ្ងៃ ៩ វិច្ឆិកា ទិវាបុណ្យឯករាជ្យ ជាតិ ត្រូវបាន ប្រារព្ធឡើង ជារៀងរាល់ឆ្នាំ ដើម្បីបង្ហាញ ពីឯករាជ្យជាតិខ្មែរ និង ជាការឧទ្ទិស ដល់ព្រះរាជបូជនីយកិច្ច របស់អតីត ព្រះមហាក្សត្រ ព្រះបាទ សម្ដេច ព្រះនរោត្តម សីហនុ ព្រះបរម រតនកោដ្ឋ ដែលព្រះអង្គ បានលះបង់ព្រះកាយពល និង ព្រះបញ្ញាញាណ នៅក្នុងព្រះរាជបូជ នីយកិច្ច ទាមទារឯករាជ្យ ពីអាណា និគមបារាំង នៅថ្ងៃទី៩ ខែវិច្ឆិកា ឆ្នាំ១៩៥៣។
វិមានឯករាជ្យ សាងសង់ឡើង ដើម្បីជានិមិត្តរូប បញ្ជាក់ថា ប្រទេសកម្ពុជា បានទទួលឯករាជ្យ ពីប្រទេសបារាំង នៅថ្ងៃទី ៩ ខែ វិច្ឆិកា ឆ្នាំ១៩៥៣ និង សម្រាប់ជាស្តូបគោរព វិញ្ញាណក្ខន្ធ អ្នកស្លាប់ ដើម្បីបុព្វហេតុជាតិ និង ដើម្បីប្រារព្ធនូវសេរីនភាព និង ឯករាជ្យរួចពីការគ្រប់គ្រងរបស់បរទេស។
