(បាត់ដំបង) ÷នៅរសៀលថ្ងៃទី ០៦ ខែ វិច្ឆិកា ឆ្នាំ ២០២០នេះដោយបានការអនុញ្ញាតពីលោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ត្រី សៅ សាម៉ុន ស្នងការរងផែនការងារធន ធានមនុស្សនៃស្នងការដ្ឋាន បាននាំយកថវិកាផ្ទាល់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរងនិងជាស្នងការនៃស្នងការដ្ឋាននគរបាលរាជធានីភ្នំពេញ ទៅប្រគល់ជូនលោក ប៉ែន ឬទ្ធី អតីតស្នងការរងនៃស្នងការដ្ឋាននគរបាលខេត្តបាត់ដំបងដែលបច្ចុប្បន្នលោកបានចូលនិវត្តន៍ហើយ និងកំពុងមានជម្ងឺទើបចេញពីមន្ទីរពេទ្យហេីយកំពុងសម្រាកព្យាបាលបន្តនៅក្នុងលំនៅដ្ឋានស្ថិតនៅភូមិដង្កោទាប សង្កាត់ទួលតាឯក ក្រុងបាត់ដំបង ។
ថ្លែងដោយទឹកចិត្តក្តុកក្តួលលោក ប៉ែន ឬទ្ធី បានគោរពថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្ត ដ៏ថ្លៃថ្លារបស់ឯកឧត្តម ស ថេត ដែលជានិច្ចជាកាលឯកឧត្តមតែងតែខ្វល់ខ្វាយយកចិត្តទុកដាក់គឹតគូរអំពីសុខទុក្ខរបស់មន្ត្រីថ្នាក់ក្រោម ពិសេសមន្ត្រីដែលធ្លាប់បានបម្រើការងារជាមួយឯកឧត្តមនារយៈពេលកន្លងមក ទោះបីពេលនេះឯកឧត្តម ស្ថិតនៅឆ្ងាយពីទីនេះក្តី ។
លោកបែន ឬទ្ធី និងក្រុមគ្រួសារសូមគោរពជូនពរឯកឧត្តម ស ថេត សូមឯកឧត្តម មានសុខភាពល្អបរិបូរណ៍ អាយុយឺនយូរ ប្រាជ្ញាភ្លឺថ្លា និងទទួលបានជោគជ័យគ្រប់ភារកិច្ច៕
