បាត់ដំបង ៖ នៅថ្ងៃអង្គារ៍ ៣រោចខែកក្ដិក ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី០៣ ខែវិច្ឆិកាឆ្នាំ២០២០ ដឹងកើតហេតុនៅ ម៉ោង១២:២០នាទី នៅចំណុចសំណង់អូរតាគី ក្រុមទី២៨ ភូមិអូរតាគី ឃុំអូរតាគី ស្រុកថ្មគោល ។
សពឈ្មោះ លាង ណាវីន ភេទប្រុស អាយុ១៦ឆ្នាំ មុខរបរសិស្ស រស់នៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង។
តាមការបំភ្លឺរបស់ឈ្មោះវឿត វឿង ភេទប្រុស អាយុ៣៨ឆ្នាំ មុខរបរធ្វើស្រែ នៅភូមិអូរតាគី បានបញ្ជាក់ថា÷ នៅថ្ងៃ៣,១១,២០២០ នៅវេលាម៉ោង១១:៣០នាទី ខ្លួនបានមកធ្វើរានបង់ត្រី នៅចំណុចសំណង់អូរតាគី បានកន្លះម៉ោងស្រាប់តែឃើញក្មេងៗមិនស្គាល់ឈ្មោះនិងទីលំនៅ បាននាំគ្នាមកមុជទឹកលេង ដោយឃើញមានក្មេងប្រុស២នាក់ចុះហែលមកកន្លែងខ្លួនកំពុងធ្វើរានបង់ត្រីចំងាយពីជ្រាំង១០ម៉ែត្រ ហើយឃើញ២នាក់ទៀតនៅមុជទឹកនៅក្បែរជ្រាំង ក្រោយមកស្រាប់តែលឺសំលេងស្រែកឱ្យជួយផងលង់ទឹកហើយ ភ្លាមនោះខ្លួនក៏បោះកង់ឡានអោយមិត្តភ័ក្ដិវាទៅជួយតែជួយមិនទាន់ ព្រោះទឹកហូរកួចខ្លាំងយកទៅបាត់មិនទាន់រកឃើញនៅឡើយទេ។
មូលហេតុ ជនរងគ្រោះចុះមុជទឹកលេង(មិនចេះហែលទឹក)បណ្ដាលឲ្យលង់ទឹកស្លាប់។
ចំពោះសពក្រុមគ្រុមគ្រួសាជនរងគ្រោះនិងសមត្តកិច្ចយើងមិនទាន់រកឃើញនៅឡើយទេ។
រហូតដល់ថ្ងៃទី០៤ វិច្ឆិកា ២០២០ វេលាម៉ោង០៨:៣០នាទី សមត្ថកិច្ច និងក្រុមគ្រួសារបានរកឃើញសាកសពដែលលង់ទឹកនៅចំណុចខាងក្រោមទីកន្លែងកើតហេតុ(ខាងជើង)ចំងាយ១០០ម៉ែត្រ ដោយអណ្ដែតទឹកក្បាលឡើងលើ។
សាកសពជំនាញបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី ៕
