ខេត្តកំពង់ធំ ៖ ប្រជាពលរដ្ឋព្រមទាំងសមត្ថកិច្ចមួយចំនួនធំដែលរស់នៅក្នុងទឹកដីឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ បានឲ្យដឹងថា កន្លងមកនេះមានអធិរាជ នៅលើផ្ទៃបឹងទន្លេសាប ក្នុងទឹកដីខេត្ត កំពង់ធំ បានធ្វើសកម្មភាព កាងបទល្មើសនេសាទ យកលេះថាចុះបង្ក្រាប តែធាតុពិត ចុះទៅម្ដងៗ ដើរប្រមូលលុយពីបទល្មើសនេសាទ រួចហើយក៏នាំ គ្នាត្រឡប់មកផ្ទះវិញ ជាថ្នូរនឹង មិនបង្ក្រាបនោះទេ សំខាន់នាំគ្នាចុះទៅយកតែលុយដាក់ហោប៉ាវតាមរដូវកាលបទល្មើសនេសាទតែប៉ុណ្ណោះ។
នេះហើយដែលប្រមុខរាជរដ្ឋាភិបាលយើងដែលមានសម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចតែងតែមានអនុសាសន៍ថា ÷ មន្ត្រីលេមលើមៗតែងតែធ្វើការអ្វី មួយអែបអបថ្នាក់លើ ដើម្បីបិទបាំង លុបលាងកំហុសខ្លួនឯង មន្ត្រីធុននេះគ្រោះថ្នាក់បំផុតបើនៅតែ បន្តទុកអែបខ្លួន តទៅមុខទៀតនោះ ។
សេចក្ដីរាយការណ៍នៅថ្ងៃទី៣១ ខែតុលា ឆ្នាំ២០២០នេះ បានបញ្ជាក់ច្បាស់ថា ÷ លោកនាយផ្នែក និងលោកនាយសង្កាត់រដ្ឋបាលជលផលនៅក្នុងឃុំផាត់សណ្ដាយ មិនដែលធ្វើការនៅនឹងកន្លែងទេ ប្រមូលយកតែលុយរួចគឺ នាំគ្នាដាក់មេប្រូចមកផ្ទះវិញ បាត់ជ្រាបតែម្ដង ។
ប្រជាពលរដ្ឋ សូមសំណូមពរ ឱ្យឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ សូមឯកឧត្តម មេត្តាចាត់ វិធានការ មកលើមន្ត្រីខិលខូច ដែលសម្ដេចតេជោ តែងតែមានអនុ សាសន៍ថា ÷ ជាមន្ត្រីគ្រាប់ល្ពៅស្ងោនោះ មិនខុសទេ ព្រោះរស់ឃុបឃិតគ្នា ជាមួយពួកបទល្មើស ចាក់គ្រឹះដុះស្លែ រាប់រយឆ្នាំមកហើយវេចតែលុយមកផ្ទះរហូត មិនដែលឃើញបង្ក្រាបម្ដងណាឡើយ ហេតុផលមិនចេះចប់ ។
ជាចុងក្រោយប្រជាពលរដ្ឋ និងមន្ត្រីរាជការមួយចំនួនធំ សូមសំណូមពរទៅលោក ហម ហុន នាយខណ្ឌរដ្ឋបាលជលផល ខេត្ត កំពង់ធំ តើលោកមានចំណាត់ការដូចម្ដេចដែរ ? ចំពោះមន្ត្រីលេញលើមៗ ចុះមកយកតែលុយបទល្មើស រួចហើយរត់ទៅផ្ទះបាត់របៀបនេះ សូម្បីតែទីស្នាក់ការរបស់ខ្លួន ក៏គ្មានអស់លោកមន្ត្រី នៅប្រចាំការនោះដែរ តើលោកនាយខណ្ឌ គិតយ៉ាងម៉េចដែរ ? ចំពោះថ្នាក់លើ ។
បើតាមការគិតរបស់ប្រជាពលរដ្ឋ និងមន្ត្រីរាជការ ដែលរស់នៅជាមួយអធិរាជ ទាំងបី-បួននាក់នេះ គឺគ្មានផលប្រយោជន៍អ្វីបន្តិច ដល់សង្គមនិងប្រជាពលរដ្ឋនោះទេ គឺពួកគេខិតខំគិតតែ បូមយកផលប្រយោជន៍ផ្ទាល់ខ្លួននិងបក្សគេតែប៉ុណ្ណោះ(ទុកមិនចំណេញដកចេញមិនខាត)៕
