ព្រឹថ្ងៃសៅរ៍ ១៥កើត ខែកត្តិក ឆ្នាំជូត ព.ស ២៥៦៤ ត្រូវនឹងថ្ងៃទី៣១ ខែតុលា ឆ្នាំ២០២០ ឯកឧត្តម ដួង តារា អនុរដ្ឋលេខាធិការ ទីស្តីការគណៈរដ្ឋមន្ត្រី និងជាជំនួយការផ្ទាល់របស់សម្តេចអគ្គមហាសេនាបតីតេជោ នាយករដ្ឋមន្ត្រី បាននាំយកអំណោយរបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកជូនដល់ប្រជាពលរដ្ឋដែលរងគ្រោះដោយទឹកជំនន់ចំនួន ១០០០ គ្រួសារ ក្នុងស្រុកសំឡូត ខេត្តបាត់ដំបង ។
ក្នុងឱកាសនោះដែរ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានមានប្រសាសន៍ និងគោរពថ្លែងអំណរគុណ ជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ក្នុងនាមកាកបាទក្រហមកម្ពុជា ដែលជានិច្ចជាកាលសម្តេចទាំងពីរ បានឧបត្ថម្ភជាថវិកា ទឹកបរិសុទ្ធ និងសំភារៈ គ្រឿងឧបភោគ បរិភោគ ជាដើម ដល់រដ្ឋបាលខេត្តបាត់ដំបងន។ ក្នុងនោះ ឯកឧត្តម ក៏សូមថ្លៃងអំណរគុណ ជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូនដ្ឋានខេត្តបាត់ដំបង ដែលសម្តេចតែងតែយកចិត្តទុកដាក់ សុខទុក្ខរបស់ប្រជាពលរដ្ឋ ព្រមទាំងបាន ឧបត្ថម្ភស្បៀងជាអង្ករ មី ត្រីខ ព្រមទាំងគ្រឿងឧបភោគ បរិភោគច្រើនទៀត មកដល់រដ្ឋបាលខេត្ត ក្នុងនោះក៏មានមានការចូលរួមសប្បុរសជន ជាច្រើនទៀត និងអាជ្ញាធរមូលដ្ឋាន ជាពិសេសថ្លែងអំណរគុណ ដល់កងកម្លាំងទាំងបីប្រភេទ ដែលបានចុះជួយអន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលា ។
ក្នុងឱកាសនោះដែរ ឯកឧត្តម ដួង តារា អនុរដ្ឋលេខាធិការ ទីស្តីការគណៈរដ្ឋមន្ត្រី និងជាជំនួយការផ្ទាល់សម្តេចអគ្គមហាសេនាបតីតេជោ នាយករដ្ឋមន្ត្រី បានមានប្រសាសន៍ ពាំនាំការផ្តាំផ្ញើសួរសុខទុក្ខពីសំណាក់សម្តេចទាំងពីរ ដល់ប្រជាពលរដ្ឋដែលរងគ្រោះដោយទឹកជំនន់ នៅក្នុងស្រុកសំឡូត ខេត្តបាត់ដំបង។ ឯកឧត្តម បានបន្តទៀតថា នេះជាលើកទី១ហើយ ដែលបានមកដល់ទឹកដីនៃស្រុកសំឡូត ដែលធ្លាប់តែលឺថាពីមុនទីនេះជាសមរភូមិក្តៅ ជាកន្លែងប្រយុទ្ធ តែពេលនេះកើតជាទីប្រជុំជន មានប្រជាពលរដ្ឋរស់នៅច្រើន មានផ្លូវថ្នល់ល្អ ខ្វាត់ខ្វែង និងមានទេសភាពស្រស់ស្អាតទៀតផង ។ ទាំងនេះគឺកើតចេញពីកត្តាសន្តិភាព ដែលសម្តេចតេជោ បានខិតខំប្រឹងប្រែងដណ្តើមយកសន្តិភាពជូនបងប្អូនប្រជាពលរដ្ឋខ្មែរយើង។
គូសបញ្ជាក់ផងដែរថា អំណោយដសេលបានចែកជូនប្រជាពលរដ្ឋរងគ្រោះដោយទឹកជំនន់នាពេលនោះជាអំណោយដ៏ថ្លៃថ្លារបស់សម្តេចទាំងទ្វេ ហើយក្នុងមួយគ្រួសារទទួល អង្ករ មី ត្រីខ ទឹកសុទ្ធ និងថវិកា ៥ម៉ឺនរៀលផងដែរ។
