ខេត្តបាត់ដំបង ៖ ក្នុងកិច្ចបូកសរុបសភាពការណ៍លោកឧត្តមសេនី យ៍ស្នងការបានក្រើនរំលឹកដល់ថ្នាក់ដឹកនាំគ្រប់ផែនជំនាញ ការិយាល័យជំនាញ រួមទាំងអធិ ការ នគរបាលក្រុង ស្រុកត្រូវពិនិត្យពិចារណាឡើង វិញ ចំពោះករណីអសន្តិសុខសង្គមដែលកើតមានក្នុងមូលដ្ឋាននាខែកន្លងទៅ ដូចជាករណី ចោរកម្ម ករណីគ្រឿងញៀននិងក្រុមក្មេងបង្កអាណាធិបតេយ្យជាដើម ។
លោកស្នងការបានបញ្ជាក់ជូនថាកន្លងទៅលោកបានឱ្យធ្វើការផ្សព្វផ្សាយលេខទូរស័ព្ទរបស់លោកផ្ទាល់ របស់លោក លោកស្រីស្នងការរង លោកអធិការនគរបាលក្រុងស្រុក រួមទាំងលេខទូរស័ព្ទរបស់នាយប៉ុស្តិ៍នគរបាលរដ្ឋបាលផង ដូច្នេះក្នុងពេលប្រជាពលរដ្ឋទាក់ទងមកមន្ត្រីនៅមូលដ្ឋានរូបណាមិន បានដោះស្រាយបញ្ហានិងអន្តរាគមន៍ជូនគាត់ទាន់ពេលវេលាទេ មន្ត្រីរូបនោះត្រូវតែទទួលខុសត្រូវចំពោះមុខថ្នាក់ដឹកនាំស្នងការ៕
