បន្ទាយមានជ័យ ៖ នៅថ្ងៃទី២០ ខែតុលា ឆ្នាំ២០២០នេះ លោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ ក្នុងនាមកងកម្លាំងនគរបាលនៃស្នងការដ្ឋាននគរបាលខេត្តទាំងមូល សូមថ្លែងអំណរអរគុណដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកជំទាវ នូវ អំណោយដ៏ថ្លៃថ្លាជាអង្ករចំនួន១០តោន និងថវិកា ចំនួន២០លានរៀល ជូនស្នងការដ្ឋាននគរបាលខេត្តបន្ទាយមានជ័យ សំរាប់ប្រើប្រាស់ ក្នុងប្រតិបត្តិការចុះសង្គ្រោះប្រជាពលរដ្ឋ រងគ្រោះដោយជំនន់ទឹកភ្លៀង នៅភូមិសាស្ត្រខេត្ត ។
លោកឧត្តមសេនីយ៍ស្នងការ សូមបួងសួង និងប្រសិទ្ធពរជ័យជូន ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ជួបតែពុទ្ធពរ៤ប្រការ គឺអាយុ វណ្ណៈ សុខៈ ពលៈកុំបីឃ្លៀងឃ្លាតឡើយ ៕
