ខេត្តព្រះសីហនុ ៖ នៅព្រឹកថ្ងៃទី១៤ ខែតុលា ឆ្នាំ២០២០ នៅស្នងការដ្ឋាននគរបាលខេត្តព្រះសីហនុ មានរៀបចំកិច្ចប្រជុំ ស្តីពីការបូកសរុបលទ្ធផលកិច្ចប្រតិបត្តិការ រយៈពេល៩ខែ ឆ្នាំ២០២០ និងទិសដៅបន្តរបស់ស្នងការដ្ឋាននគរបាលខេត្តព្រះសីហនុ ក្រោមអធិបតីភាពលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត និងមានការចូលរួមពីគណៈស្នងការរង នាយ នាយរងការិយាល័យ អធិការក្រុងស្រុកទាំងអស់ រួមទាំងនាយ នាយរងប៉ុស្តិ៍ទាំងអស់ផងដែរ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តបានមានប្រសាសន៍ក្នុងកិច្ចប្រជុំនេះថាលទ្ធផលកិច្ចប្រតិបត្តិការ៩ខែកន្លងមកនេះគឺបានមកពីការរួមចំណែកយ៉ាងសកម្មចំពោះកម្លាំងជំនាញពាក់ព័ន្ធ ហើយលោកឧត្តមសេនីយ៍ស្នថការក៏បានកោតសរសើរដល់កងកម្លាំងជំនាញ ជាពិសេសបាននាំយកប្រសាសន៍កោតសរសើរដ៏ខ្ពង់ខ្ពស់ពីសំណាក់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ …
-ជូនដល់កងកម្លាំងទាំងអស់ និងបានជំរុញលើកទឹកចិត្តបន្ថែមដល់កងកម្លាំងជំនាញទាំងអស់ខិតខំយកចិត្តទុកដាក់ពង្រឹងបន្ថែមដល់ការងារជំនាញរបស់មន្ត្រីក្រោមឱវាទខ្លួនដើម្បីបន្តពង្រឹងកិច្ចប្រតិបត្តិការ និងទិសដៅបន្តទៅមុខទៀតអោយកាន់តែមានប្រសឹទ្ធិភាពខ្ពស់ដើម្បីរួមចំណែកការពារសន្តិសុខ សុវត្តិភាព និងសណ្តាប់ធ្នាប់សង្គមជូនប្រជាពលរដ្ឋទាំងអស់ទូទាំងខេត្ត ជាពិសេសនោះត្រូវត្រៀមលក្ខណៈអោយបានគ្រប់គ្រាន់១០០ភាគរយដើម្បីត្រៀមបង្ការការពារទប់ស្កាត់នៃការរងឥទ្ធពលភ្លៀងដែលកំពុងកើតឡើងចំពោះមុខ៕
