(ពោធិសាត់) ÷នៅថ្ងៃទី១៣ ខែតុលា ឆ្នាំ២០២០ នៅវត្តពោធិ ស្ថិតក្នុងឃុំអន្លុងវិល ស្រុកកណ្តៀង ខេត្តពោធិសាត់ ឯកឧត្តម នាយឧត្តមសេនីយ៍ សែម សុវណ្ណនី អនុប្រធានទី២ អាជ្ញាធរមីន និងជាអគ្គនាយកមជ្ឈមណ្ឌលជាតិរក្សាសន្តិភាព ដែលមានវត្តមាន ឯកឧត្តម ម៉ក់ រ៉ា ប្រធានក្រុមប្រឹក្សាខេត្តពោធិសាត់ ឯកឧត្តម ម៉ៅ ធនិន អភិបាល នៃគណៈអភិបាលខេត្តពោធិសាត់ និងក្រុមការងារមជ្ឈមណ្ឌលជាតិ បានសំណេះសំណាល ប្រជាពលរដ្ឋជាង៥០០គ្រួសារ និងបាននាំយកអំណោយ របស់ សម្តេចតេជោ ហ៊ុន សែន នាយករដ្ឋមន្ត្រី ដល់ពួកគាត់ផងដែរ។
ឯកឧត្តម សែម សុវណ្ណនី បានមានប្រសាសន៍ថា អរគុណសន្តិភាព
អរគុណ នយោបាយ ឈ្នះ ឈ្នះ ដឹងគុណ ស្ថាបនិក មគ្គុទេសឯក និងប្រតិបត្តិករនយោបាយឈ្នះ ឈ្នះ ដែល នាំមកនូវសន្តិភាព និងឯកភាពជាតិពេញ លេញ។
ឯកឧត្តម សែម សុវណ្ណនី ថ្លែងថា ប្រជាពលរដ្ឋជាង៥០០គ្រួសារ នោះ ម្នាក់ៗទទួលបាន អង្ក ទឹកត្រី ទឹកស៊ីអ៉ីវ និងមី។ ហើយពួកគាត់ទាំងអស់គ្នានោះ រងផលប៉ះពាល់ធ្ងន់ធ្ងរ ដោយជំនន់ទឹកភ្លៀង បណ្តាលអោយការលិចផ្ទះ ស្រែចំការប្រជាពលរដ្ឋ។
ក្នុងឱកាសនោះដែរ ឯកឧត្តម បានណែនាំដល់ប្រជាពលរដ្ឋ ត្រូវប្រុងប្រយ័ត្នខ្ពស់ ពីបញ្ហាទឹកជន់លិច ជាពិសេស ត្រូវប្រយ័ត្នខ្ពស់ក្មេងតូចៗ អោយលេងទឹក ខ្លាច់លង់ទឹក និងត្រូវបន្តការពារកុំអោយឆ្លងនូវជំងឺកូវិដ១៩ គឺពាក់ម៉ាស់ជាប្រចាំ លាងដៃជាមួយអាកុល ឬជែល តាមវិធានរបស់ក្រសួងសុខាភិបាល៕
