(ភ្នំពេញ) ÷លោក សុខ ពេញវុធ អភិបាល នៃគណ:អភិបាលខណ្ខដូនពេញ រាជធានីភ្នំពេញ នៅថ្ងៃទី១១ ខែតុលា ឆ្នាំ២០២០ នេះ គិតត្រឹមថ្ងៃអាទិត្យនេះ មានរយៈពេល ០៩ ថ្ងៃហើយ ដែល ខ្ញុំ រួមទាំង លោក លោកស្រីអភិបាលរងថ្នាក់ដឹកនាំខណ្ឌ លោក លោកស្រីប្រធាន និង សមាជិកក្រុមប្រឹក្សាសង្កាត់ទាំង១១ ទីរួមផ្សារទាំង៣ កម្លាំងប្រជាការពារខណ្ឌ និង ភ្នាក់ងារអនាម័យសង្កាត់ បានរួមគ្នាធ្វើការប្រមូល សំអាត និងដឹកជញ្ជូនចេញ ដោយការខិតខំយ៉ាងសស្រាក់សស្រាំ និងលែងមានបញ្ហាកកស្ទះសំរាមតាមដេប៉ូបន្តទៀត ។
លោក សុខ ពេញវុធ សូមបញ្ជាក់ថា ការប្រមូល សំអាត និងដឹកជញ្ជូនសំរាមនាពេលនេះរដ្ឋបាលខណ្ឌដូនពេញ បានប្រើប្រាស់គ្រឿងចក្រ និងរថយន្តរួមមាន: រថយន្តដឹកសំរាមរបស់សាលារាជធានីភ្នំពេញចំនួន ០៨គ្រឿង, រថយន្តបែនធុនធំចំនួន ១១គ្រឿង, សារហ្ស័រចំនួន ០៣គ្រឿង, រថយន្តកូរ៉េសាលាខណ្ឌចំនួន ០៤គ្រឿង និង ម៉ូតូអនាម័យចំនួន ១១គ្រឿង ដោយបែកចែកជាក្រុមៗ ដោយធ្វើការប្រមូល និងដឹកជញ្ជូនសំរាមសំណល់រឹង មិនថាថ្ងៃឬយប់ឡើយ ហើយជាលទ្ធផលថ្ងៃចុងក្រោយនេះ បានប្រមូលអស់ជាស្ថាពរ គ្មានសំរាមកកស្ទះដូចមុនទៀតនោះទេ ៕
