ខេត្តបន្ទាយមានជ័យ៖ ដោយមានការយកចិត្តទុកដាក់ខ្ពស់ពី លោកឧត្តមសេនីយ៍ត្រី សិទ្ឋិ ឡោះ ស្នងការនគរបាលខេត្តបន្ទាយមានជ័យ បានដាក់ទិសដៅ គ្រប់អធិការដ្ឋាននគរបាលក្រុង/ស្រុកទាំង៩ និងវរសេនាតូចនគរបាលការពារព្រំដែនគោកទាំង៤ ត្រូវត្រៀមកងកម្លាំងជានិច្ច ក្នុងការចុះជួយប្រជាពលរដ្ឋដែលរងគ្រោះដោយសារជំនន់ទឹកភ្លៀង។
បើយោងតាមរបាយការណ៍របស់ស្នងការដ្ឋាននគរបាលខេត្តបន្ទាយមានជ័យ បានបញ្ជាក់ថា៖ នៅរសៀលថ្ងៃទី០៩ ខែតុលា ឆ្នាំ ២០២០នេះ មានចំនួន២ស្រុក ដែលរងគ្រោះដោយសារជំនន់ទឹកភ្លៀង រួមមាន៖ ទី១-ស្រុក ថ្មពួក និងទី២-ស្រុកម៉ាឡៃ។ ក្នុងនោះដែរ ដោយសារទឹកហូរធ្លាក់មកពីប្រទេសថៃ ឆ្លងកាត់ភូមិសាស្ត្រ ស្រុកនៅជាប់តាមបន្ទាត់ព្រំដែន បណ្តាលអោយមានទឹកលិចក្រោមផ្ទះ ប្រជាពលរដ្ឋ ប៉ុន្តែ ចំពោះស្ថានភាពជំនន់ទឹកភ្លៀងកំពុងស្រកចុះបណ្តើៗហើយ ហើយក៏ពុំមានផលប៉ះពាល់អ្វីដល់បងប្អូនប្រជាពលរដ្ឋឡើយ៕
