(បាត់ដំបង) ÷នៅព្រឹកថ្ងៃ អង្គារ ៤ រោចខែអស្សុជឆ្នាំជូតទោ ស័កព.ស.២៥៦៤ត្រូវនឹងថ្ងៃទី ៦ខែ តុលាឆ្នាំ២ ០២០លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង អញ្ជើញជួបសំណេះសំណាលជាមួយថ្នាក់ដឹកនាំ និងមន្ត្រីនគរបាល ការិយាល័យជំនាញពាក់ព័ន្ធក្នុងផែនការងារសណ្តាប់ធ្នាប់និងអធិការដ្ឋាននគរបាលក្រុងបាត់ដំបង។
ក្នុងកិច្ចសំណេះសំណាលនេះ លោកស្នងការបានណែនាំដល់មន្ត្រីនគរបាលដែលបំពេញការងារប្រចាំថ្ងៃពាក់ព័ន្ធនឹងការងារសណ្តាប់ធ្នាប់ ចរាចរណ៍ ពិសេសការងារក្នុងក្រុងបាត់ដំបង ត្រូវខិតខំបំពេញភារកិច្ចស្របតាមតួនាទីភារកិច្ចដែលច្បាប់បានប្រគល់ជូនក្នុងនោះទាំងការស្លៀកពាក់ឯកសណ្ឋានបានត្រឹមត្រូវ ប្រកាន់ខ្ជាប់នូវ ឥរិយាបថ សីលធម៌ សំដីសំដៅ ឬជួបទំនាក់ទំនងជាមួយប្រជាពលរដ្ឋ ក៏ដូចមហាជនទូទៅ សូមធ្វើខ្លួនឱ្យសក្តិសមជាមន្ត្រីដែលជាអ្នកបម្រើប្រជាពលរដ្ឋដោយស្មោះត្រង់ ចៀសវាងឱ្យបាននូវចំណុចខ្វះចន្លោះនិងចំណុចខុសឆ្គងដែលជាហេតុនាំបង្កឱ្យប្រជាពលរដ្ឋក៏ដូចមហាជនលោកថ្នាំងថ្នាក់និងផ្តើមដល់ការរិះគន់វាយតម្លៃមិនល្អដល់អង្គភាពឬស្ថាប័ននគរបាលយើង៕
