ខេត្តបន្ទាយមានជ័យ ៖ នាព្រឹកថ្ងៃចន្ទ ៣រោច ខែអស្សុជ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៥ ខែតុលា ឆ្នាំ២០២០ នេះ
ក្រោយពីប្រារព្វពិធីគោរពទង់ជាតិចប់ លោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ បានប្រគល់ និងបំពាក់ អាវុធវែងប្រភេទទំនើបចំនួន ២០ដើមជូនដល់កងកម្លាំងអន្តរាគមន៍ ដែលជា អំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានផ្តល់ជូនស្នងការដ្ឋាននគរបាលខេត្តបន្ទាយមានជ័យ និងកុំព្យូទ័រចំនួន៣គ្រឿងប្រគល់ជូនការិយាល័យជំនាញផងដែរ ៕
