ខេត្តបាត់ដំបង ៖ ក្រោយពីឡើងជាស្នងការខេត្តបាត់ដំបងភ្លាម លោកឧត្តមសេនីយ៍ត្រី សាត គឹមសាន ស្នងការនគរបាលខេត្តបាត់ដំបង បានចុះគ្រប់ទិសដៅ ក្នុងការចុះជួបសំណេះសំណាលជាមួយ អង្គភាពក្រោមចំណុះស្នងការដ្ឋាននគរបាលខេត្តបាត់ដំបង ដោយបាននូវការផ្ដាំផ្ញើរការនឹក រលឹកពីឯកឧត្តមនាយឧត្ដមសេនីយ៍ សន្តិបណ្ដិត នេត សាវឿន អគ្គស្នងការនគរបាលជាតិ ។
ដោយឡែក នៅព្រឹកថ្ងៃ អង្គារ ១២ កើត ខែ អស្សុជ ឆ្នាំជូតទោស័កព.ស.២៥៦៤ ត្រូវនឹងថ្ងៃទី ២៩ ខែកញ្ញា ឆ្នាំ២០២០ លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានជួបសំណេះសំណាលជាមួយថ្នាក់ដឹកនាំនិងមន្ត្រីនគរបាលក្នុងផែនការងារចំនួន០៥ ផែន គឺផែនការងារ សន្តិសុខ ផែនការងារ ប្រឆាំងគ្រឿងញៀន ផែនការងារប្រឆាំងការ ជួញដូរ មនុស្សការពារអនីតិជននិងយេនឌ័រ ផែនការងារអន្តោប្រវេសន៍ និងផែនការងារគ្រប់គ្រងអាវុធគ្រឿងផ្ទុះនិងអគ្គិភ័យ នៃស្នងការដ្ឋាននគរបាលខេត្តបាត់ដំបង ។
ចូលរួមក្នុងឱកាសនេះដែល មានលោក លោកស្រី ជាស្នងការរង អនុប្រធានផែន នាយ នាយងការិយាល័យ ជំនាញ នាយ នាយងផ្នែកនិងមន្ត្រីនគរបាលចំណុះផែនទាំង០៥ នៅក្នុងឱកាសនោះលោកស្នងការ ក៏បានផ្ដាំផ្ញើរ អោយមន្ត្រីកងកម្លាំង នគរបាលទាំងអស់ ត្រូវពង្រឹងសាមគ្គីភាពផ្ទៃក្នុងគ្នាអោយបានល្អ និងខិតខំបំពេញការងារ តាមផែនការណ៍ថ្នាក់លើ បានដាក់អោយ និងនាំគ្នាថែរក្សា អោយបាននូវសន្តិភាព និងសន្តិសុខ ជូនបងប្អូនប្រជាពលរដ្ឌរបស់យើងនូវ ទូទាំងខេត្តបាត់ដំបង ហើយលោកស្នងការក៏បានជូនពរដល់កងកម្លាំងទាំងអស់ មានសុខភាពល្អបរិបូណ៌ គ្រប់ៗគ្នា ៕
